ဝါရှင်တန်ဒီစီမှာ အမေရိကန်အစိုးရ၊ NUG နဲ့ တိုင်းရင်းသားအဖွဲ့တွေ တွေ့ဆုံ
2023.02.02
အမေရိကန်အစိုးရရဲ့ အရှေ့အာရှနဲ့ ပစိဖိတ်ရေးရာ လက်ထောက်နိုင်ငံခြားရေးဝန်ကြီး Daniel Kritenbrink၊ ဒုလက်ထောက်နိုင်ငံခြားရေးဝန်ကြီး Melissa Brown တို့ ဦးဆောင်တဲ့အဖွဲ့ဟာ အမျိုးသားညီညွတ်ရေးအစိုးရ NUG ဝန်ကြီးတချို့နဲ့ အမေရိကန်မှာရှိနေတဲ့ တိုင်းရင်းသားကိုယ်စားလှယ်အချို့ကို စစ်အာဏာသိမ်းနှစ်နှစ်ပြည့် ဖေဖော်ဝါရီလ ၁ ရက်နေ့က ဝါရှင်တန်ဒီစီမြို့မှာရှိတဲ့ NUG ရုံးမှာ လာရောက်တွေ့ဆုံခဲ့ပါတယ်။
အမေရိကန်နိုင်ငံခြားရေးဝန်ကြီးဌာန၊ အရှေ့တောင်အာရှဌာနမှာ ဒီရက်ပိုင်းအတွင်း မြန်မာပြည်အရေး ဆွေးနွေးမှုတွေနဲ့ ပြင်ဆင်မှုတွေ လုပ်ဆောင်နေတယ်ဆိုတဲ့ သတင်းစကားကို အစိုးရတာဝန်ရှိသူတွေက ပြောခဲ့တယ်လို့ ဆွေးနွေးပွဲတက်ရောက်ခဲ့တဲ့ ချင်းလူ့အခွင့်အရေးအဖွဲ့က အမှုဆောင်ဒါရိုက်တာ ဆလိုင်းဘွေလျန်မန်းကပြောပါတယ်။
ဆလိုင်းဘွေလျန်မန်း ကို RFA နှင့်စကားပြောခြင်း အစီအစဉ်ကနေ မဝေမာထွန်း တွေ့ဆုံမေးမြန်းထားပါတယ်။
ဖတ်ရှုသူအများဆုံး သတင်းများ။
RFA
- နိုင်ငံလေးခုက အထောက်အထားမဲ့ အလုပ်သမားတွေနဲ့ ကလေးတွေကို တရားဝင်နေခွင့်ပြုဖို့ ထိုင်းအစိုးရဆုံးဖြတ်
- အမေရိကန်မှာ နေထိုင်ခွင့် ဒီဗွီကံစမ်းမဲ မြန်မာနိုင်ငံသားတွေ လျှောက်ထားနိုင်
- စစ်သည်အင်အား နှစ်သောင်းကျော် နဲ့ PNA စစ်သင်တန်းဆင်း
- မတ္တရာက PDF စခန်းတွေ စီးနင်းသိမ်းပိုက်ခံရ
- သန်းခေါင်စာရင်းနဲ့ဆက်စပ်ပြီး ရန်ကုန်က ရပ်ကွက်အုပ်ချုပ်ရေးရုံးနှစ်ခု ဗုံးခွဲတိုက်ခိုက်ခံရ