လူမျိုးဘာသာမခွဲခြားဘဲ ကူညီနေတဲ့ နွယ်အေးဗလီ ပရဟိတအသင်း

မြန်မာနိုင်ငံမှာ Covid-19 ရောဂါ ခုခံတွန်းလှန်ရာမှာ လိုအပ်တဲ့ အောက်ဆီဂျင်တွေကို အခမဲ့ ဖြန့်ဝေပေးနေတဲ့ လူမှုကူညီရေးအသင်းကြီး တစ်ခုကတော့ ရန်ကုန်မြို့က "နွယ်အေး" စွန္နီဂျာမေ ဗလီ ဖြစ်ပါတယ်။ ပြီးခဲ့တဲ့လက ရန်ကုန်မြို့နေ ပြည်သူတွေဟာ အောက်ဆီဂျင် ရဖို့အတွက် ခက်ခက်ခဲခဲ ကြိုးစားခဲ့ကြရပါတယ်။

စစ်ကောင်စီလက်ထက် ကပ်ရောဂါ ဖိစီးနှိပ်စက်မှုအောက်မှာ ရုန်းကန်နေရသူတွေအတွက် ကောက်ရိုးတစ်မျှင်လို ဖြစ်ခဲ့တဲ့ နွယ်အေးဗလီ လူမှုကူညီရေး ပရဟိတအသင်းအကြောင်းကို RFA သတင်းထောက် မဝေဝေလွင်က တင်ဆက်ထားပါတယ်။