ကျောက်ပန်းတောင်းမှာ ခရီးသည်တင်ကားနှစ်စီးတိုက်မှု ၁၃ ဦးသေ၊ ၃၀ နီးပါး ဒဏ်ရာရ
ကျောက်ပန်းတောင်းမြို့နယ်တွင် ၂၀၂၂ ခုနှစ် စက်တင်ဘာလ ၁၄ ရက်နေ့ညက ကားနှစ်စီးတိုက်မိခဲ့ပြီး ဒဏ်ရာရရှိသူများအား ကျောက်ပန်းတောင်းဆေးရုံတွင် တွေ့ရစဉ်
ဓာတ်ပုံ - သုဂတိရှင်နာရေးကူညီမှုအသင်း - သွေးသန့်ကော်မတီ
မန္တလေးတိုင်း၊ ကျောက်ပန်းတောင်းမြို့နယ် ဇီးဖြူကုန်းရွာနဲ့ ပြည်သာရွာအနီးမှာ စက်တင်ဘာလ ၁၄ ရက် မနေ့ညက ခရီးသည်တင်ကားနှစ်စီး တိုက်မိခဲ့ပြီး ၁၃ ဦး သေဆုံးခဲ့တယ်လို့ လူမှုကူညီရေးအဖွဲ့တွေက ပြောပါတယ်။
ပျက်နေတဲ့ကားတစ်စီး လမ်းဘေးမှာ အချက်ပြရပ်ထားတာကို ရှောင်ပြီး ကျော်တက် တဲ့အချိန် နှစ်စီးစလုံး ခေါင်းချင်းဆိုင် တိုက်မိတာလို့ ယာဉ်တိုက်မှုကို ကူညီပေးခဲ့တဲ့ လူမှုကူညီရေးအဖွဲ့ဝင်တစ်ဦးက RFA ကို ပြောပါတယ်။
“သန်မြန်သူက လွိုင်ကော်ကနေ ပြန်လာတာ။ ပုဂံမင်းသားကားက ပုဂံကနေ ရန်ကုန်ကို သွားတာ။ အဲဒီကား နှစ်စီး လမ်းမှာတိုက်ကြတာ။ နေရာမှာတင် ၁၁ ဦးသေတယ်။ ဆေးရုံ ရောက်တော့ နှစ်ဦး ထပ်သေတယ်။ သေတဲ့အထဲမှာ အမျိုးသားရော၊ အမျိုးသမီးရော ပါတယ်။ အဆိုးဆုံးပါပဲ ဒီလောက်ထိ သေတာများတာ မကြုံဖူးဘူး”
ယာဉ်နှစ်စီးစလုံးက ယာဉ်မောင်းတွေလည်း သေဆုံးခဲ့သလို ဒဏ်ရာရရှိသူ ၂၇ ဦးလောက် ရှိတာကြောင့် ဆေးကုသမှုခံယူဖို့ လက်ရှိ ကျောက်ပန်းတောင်း ပြည်သူ့ဆေးရုံကို ပို့ဆောင် ထားတယ်လို့ ဆိုပါတယ်။
ဒဏ်ရာရထားသူတွေထဲမှာလည်း အသက်အန္တရာယ် စိုးရိမ်ရသူတွေ ရှိနေသေးတယ်လို့ လူမှုကူညီရေး လုပ်ဆောင်ပေးနေသူတွေက ပြောပါတယ်။
ဖတ်ရှုသူအများဆုံး သတင်းများ။
RFA
- ဗိုလ်ချုပ်မှူးကြီးမင်းအောင်လှိုင်ကို လက်နက်ကြီးနဲ့ တိုက်ခိုက်ခဲ့ကြောင်း KNDF ပြော
- မြန်မာအလုပ်သမား ဇနီးမောင်နှံ ထိုင်းထီ ဘတ် ခြောက်သန်းဆုပေါက်
- ထိုင်းနိုင်ငံက မြန်မာကလေး တစ်ထောင်ကျော် ပညာသင်နေတဲ့ကျောင်း အပိတ်ခံရ
- ဘာသာရေးခေါင်းဆောင် သုံးယောက်ကို လူ့အခွင့်အရေးကော်မရှင်အဖွဲ့ဝင်အဖြစ် စစ်ကောင်စီခန့်အပ်
- အာဆီယံ ကာကွယ်ရေးဦးစီးချုပ်များ အစည်းအဝေး စစ်ကောင်စီ ကိုယ်စားလှယ် တက်ရောက်
ဖတ်ရှုသူအများဆုံး သတင်းများ။
သတင်းများ
