Air Bagan လေယာဉ် ပျက်ကျမှု လေယာဉ်မှူး အပြစ်ဟု ဆို
2013.02.01
Black Box လို့ လူသိများတဲ့ လေယာဉ်ပျံသန်းမှု မှတ်တမ်းတင်ကိရိယာကို သြစတြေးလျနိုင်ငံကိုပို့ပြီး စစ်ဆေးခဲ့ရာမှာ လေယာဉ်စက်ပိုင်းနဲ့ အစိတ်အပိုင်းဆိုင်ရာ ချို့ယွင်းပျက်စီးမှုသော်လည်းကောင်း၊ လေယာဉ်ကွင်း မှားယွင်းဆင်းသက်မှုနဲ့ တခြားလုံခြုံရေးဆိုင်ရာ ခြိမ်းခြောက်ခံရမှုတွေနဲ့ ပတ်သက်တာမျိုးကို သော်လည်းကောင်း မတွေ့ရကြောင်း၊ အခုပျက်ကျမှုအတွက် အဓိကတာဝန်ရှိသူဟာ လေယာဉ်မှူးသာဖြစ်ကြောင်း ရန်ကုန်မြို့ မင်္ဂလာဒုံမြို့နယ် လေကြောင်းပညာသိပ္ပံကျောင်းမှာ မနေ့က ကျင်းပတဲ့ သတင်းစာရှင်းလင်းပွဲမှာ စုံစမ်းစစ်ဆေးရေးအဖွဲ့ ဥက္ကဌ ဦးဝင်းဆွေထွန်း က ပြောကြားခဲ့ပါတယ်။
"လူမှားတာလား၊ စက်ပျက်တာလားဆိုရင် အားလုံးကတော့ လူနဲ့ပဲဆိုင်တာပဲ၊ ရာသီဥတု မကောင်းဘူးလို့ပြောရင် မတက်ဘူး၊ တက်မယ်ဆိုတာ ရာသီဥတုက ဆုံးဖြတ်တာမဟုတ်ဘူး လူကဆုံးဖြတ်တာ၊ အဲ့ဒါကြောင့်မို့ လေယာဉ်တစ်ခုမှာ အဆုံးအဖြတ်သည် လူပဲ"
ဒါဟာ လက်ရှိကာလအထိ တွေ့ရှိထားတဲ့ ဖြစ်နိုင်ချေ အချက်လက်တွေကိုသာ ပြောဆိုတာဖြစ်ပြီး စုံစမ်းစစ်ဆေးရေးအဖွဲ့ရဲ့ နောက်ဆုံးအစီရင်ခံစာ တင်ပြနိုင်ဖို့ကတော့ အချိန်ယူရဦးမယ်လို့ ဆိုပါတယ်။
ပြည်တွင်းလေကြောင်းပို့ဆောင်မှု ဦးစီးဌာနရဲ့ မှတ်တမ်းတွေအရ ဒီလေယာဉ်ပျက်ကျမှုဟာ မြန်မာနိုင်ငံမှာ ၁၃ နှစ်အတွင်း ပထမဆုံးအကြိမ် ဖြစ်ပွားခဲ့တဲ့ လေယာဉ်ပျက်ကျမှုဖြစ်ပါတယ်။
ဖတ်ရှုသူအများဆုံး သတင်းများ။
RFA
ဖတ်ရှုသူအများဆုံး သတင်းများ။
သတင်းများ
- လွိုင်ကော်တက္ကသိုလ် ပါမောက္ခချုပ်အပါအဝင် ငါးဦးနဲ့ မိသားစုဝင်တွေကို IEC အရေးယူ
- ရဟတ်ယာဉ်ကွင်းနှစ်ခုပါတဲ့ စစ်ကောင်စီဗျူဟာကုန်းကို AA သိမ်းပိုက်
- ကောလင်းမှာ ပြည်သူ့အုပ်ချုပ်ရေးစတင်ကြောင်း NUG ကြေညာ
- မုန်းမြို့က စစ်ကောင်စီစခန်းအားလုံးကို သိမ်းပိုက်လိုက်ကြောင်း KNU ထုတ်ပြန်
- ဒေါ်အောင်ဆန်းစုကြည်အမှု အထူးအယူခံ ပြည်ထောင်စု တရားလွှတ်တော်ချုပ်မှာ ကြားနာ