ထောင်တွင်း ဖန်တီးမှုအနုပညာပြပွဲ ဖွင့်လှစ်

၈၈ မျိုးဆက် ကျောင်းသားခေါင်းဆောင် ကိုမင်းကိုနိုင် အပါအဝင် နိုင်ငံရေး အကျဉ်းသားဟောင်းတွေ ထောင်ထဲနေရတဲ့ ကာလတုန်းက ရေးဆွဲထားတဲ့ ပန်းချီကားတွေ၊ ချည်ထိုးပန်းချီတွေ အပါအဝင် အနုပညာလက်ရာတွေ စုစုပေါင်း ၁၂၀ ကျော်လောက် ပြသတဲ့ပွဲ ဖြစ်ပါတယ်။

နိုင်ငံရေး အကျဉ်းသားဟောင်းများအဖွဲ့က စီစဉ်တဲ့ ဒီပြပွဲကို မတ်လ ၉ ရက်ကနေ ၁၁ ရက်အထိ ကျင်းပမှာဖြစ်ပေမယ့် နောက်ထပ် ရက်တိုးပြသဖို့ ခွင့်ပြုချက် ထပ်တင်ထားတယ်လို့ ဆိုပါတယ်။ ဒီနေ့ဖွင့်ပွဲမှာ ပြည်တွင်း ပြည်ပသတင်းထောက်တွေ၊ အနုပညာရှင်တွေ၊ တခြားစိတ်ဝင်စားသူတွေ တော်တော်များများ လာရောက် အားပေးကြည့်ရှုကြတယ်လို့ သိရပါတယ်။

ဒီသတင်းနဲ့ ပတ်သက်လို့ ၈၈ မျိုးဆက် ကျောင်းသားများအဖွဲ့က ကိုပြုံးချိုနဲ့ ဆက်သွယ်မေးမြန်းချက်ကို နားဆင်နိုင်ပါတယ်။

	ဆက်သွယ်မေးမြန်းချက်။
	အသံဖိုင်ယူရန်။