သမ္မတ ဦးသိန်းစိန်နဲ့ ဒေါ်အောင်ဆန်းစုကြည် တွေ့ဆုံဆွေးနွေးဖို့ရှိ
2012.04.10
၂၀၁၁ ခုနှစ် သြဂုတ်လ ၁၉ ရက်နေ့က မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် နိုင်ငံတော် သမ္မတ ဦးသိန်းစိန်တို့ နေပြည်တော် သမ္မတ အိမ်တော်မှာ ပထမဆုံးအကြိမ် တွေ့ဆုံခဲ့သည့် သတင်းကို မြန်မာ့ရုပ်မြင်သံကြားက ထုတ်လွှင့်ခဲ့စဉ် မြင်ကွင်း ဖြစ်ပါသည်။
MRTV
သမ္မတ ဦးသိန်းစိန်နဲ့ ဆွေးနွေးရေးအတွက် ဒေါ်အောင်ဆန်းစုကြည်ဟာ ဒီကနေ့ ညနေပိုင်းမှာ NLD ပါတီ ခေါင်းဆောင်တွေနဲ့ ညှိနှိုင်းဆွေးနွေးခဲ့ပါတယ်။
နေပြည်တော်က သမ္မတ အိမ်တော်မှာ ခေါင်းဆောင်နှစ်ဦး တွေ့ဆုံကြမှာဖြစ်ပြီး အစိုးရအဖွဲ့ဝင် ဝန်ကြီးတွေနဲ့လည်း နောက်ပိုင်းမှာ တွေ့ဆုံမှာဖြစ်ကြောင်း ဒေါ်အောင်ဆန်းစုကြည်ရဲ့ လုံခြုံရေးတာဝန်ခံ ဦးခွန်သာမြင့်က ပြောပါတယ်။ ဒီတွေ့ဆုံပွဲနဲ့ ပတ်သက်ပြီး အသေးစိတ်ကို ပြောကြားခွင့် မရှိသေးဘူးလို့ ဆိုပါတယ်။
ဒေါ်အောင်ဆန်းစုကြည်ဟာ နေပြည်တော်ကို မနက်ဖြန် လေယာဉ်နဲ့ သွားရောက်မှာဖြစ်ပြီး ညနေပိုင်းမှာ ရန်ကုန်မြို့ကို ပြန်လည်ရောက်ရှိမှာ ဖြစ်ပါတယ်။
ဒီသတင်းနဲ့ ပတ်သက်ပြီး ဦးခင်မောင်စိုးက မေးမြန်းထားတာကို နားဆင်နိုင်ပါတယ်။
 |
ဆက်သွယ်မေးမြန်းချက်။ |
 |
အသံဖိုင်ယူရန်။ |