ရိုဟင်ဂျာတွေက ဝန်ထုပ်ဝန်ပိုးဖြစ်လာကြောင်း ဘင်္ဂလားဒေ့ရှ်ဝန်ကြီးချုပ်ပြော

RFA Burmese
2024.03.04
ရိုဟင်ဂျာတွေက ဝန်ထုပ်ဝန်ပိုးဖြစ်လာကြောင်း ဘင်္ဂလားဒေ့ရှ်ဝန်ကြီးချုပ်ပြော ဘင်္ဂလားဒေ့ရှ်ဝန်ကြီးချုပ် ရှိတ်ဟာဆီနာအား ၂၀၂၄ ခုနှစ်၊ ဇန်နဝါရီလ ၈ ရက်နေ့က တွေ့ရစဉ်။
INDRANIL MUKHERJEE / AFP

ရိုဟင်ဂျာတွေဟာ သူတို့နေတဲ့တိုင်းပြည်ကို ပြန်ကိုပြန်ရမယ်လို့ ဘင်္ဂလားဒေ့ရှ်ဝန်ကြီးချုပ် ရှိတ်ဟာဆီနာက ထပ်‌ပြီးပြောဆိုလိုက်ပါတယ်။ အဲဒီအပြင် ဘင်္ဂလားဒေ့ရှ်နိုင်ငံရဲ့ ရပ်တည်ချက်ဟာ ဒီနိုင်ငံကိုခြေကုတ်ယူပြီး ပုန်ကုန်တော်လှန်မယ့် ဘယ်လှုပ်ရှားကိုမှ ခွင့်ပြုမှာမဟုတ်ဘူးလို့လည်း ဝန်ကြီးချုပ် ဟာဆီနာက ထည့်သွင်းပြောဆိုပါတယ်။

ရာသီဥတုပြောင်းလဲခြင်းနဲ့စပ်လျဉ်းတဲ့ အပြည်ပြည်ဆိုင်ရာတရားရုံးအတွက် ဘင်္ဂလားဒေ့ရှ်နိုင်ငံရဲ့ရှေ့နေ ဒေါက်တာ ပါရမ်နဲ့ တွေ့ဆုံပွဲမှာ ပြောလိုက်တာလို့ ဒေသတွင်း မီဒီယာတစ်ခုဖြစ်တဲ့ BSS သတင်းမှာ မတ်လ ၄ ရက်နေ့က ဖော်ပြထားပါတယ်။

အခုဆိုရင် ကော့ဆက်ဘဇားမှာ ရိုဟင်ဂျာတွေက လူများစုဖြစ်လာပြီး၊ ဒေသခံတွေက လူနည်းစုဖြစ်လာသလို ဝန်ထုပ်ဝန်ပိုးဖြစ်လာတယ်လို့လည်း သူကပြောပါတယ်။ တချို့ရိုဟင်ဂျာတွေက လက်နက်မှု၊ အမျိုးသမီးနဲ့ မူးယစ်ဆေးဝါးမှောင်ခိုမှုလို ရာဇဝတ်မှုတွေမှာ ပါဝင်ပတ်သက်လာလို့ စိုးရိမ်စရာဖြစ်လာတယ်လို့ လည်းဆိုပါတယ်။

ဘာဆန်ချားကျွန်းကိုပြောင်းလိုက်တဲ့သူက သုံးသောင်းခွဲရှိပြီလို့လည်း ဝန်ကြီးချုပ် ရှိတ်ဟာဆီနာက ပြောပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။