မသမာမှုတွေကြားနေရတဲ့ ရွေးကောက်ပွဲ

တာမွေမြို့နယ်က ရပ်ကွက် အတော်များများမှာ ၈၈ မျိုးဆက်ကျောင်းသားများ (ပြည်ထောင်စု မြန်မာနိုင်ငံ) လို့ အမည်ပေးထားတဲ့ ဦးရဲထွန်း ဦးဆောင်တဲ့ပါတီက အနိုင်ရကြောင်း၊ မင်္ဂလာတောင်ညွန့် မြို့နယ်ဘက်မှာတော့ ဦးသုေ၀ ဦးဆောင်တဲ့ ဒီမိုကရက်တစ်ပါတီ (မြန်မာ) က ရပ်ကွက် အများစုမှာ အနိုင်ရကြောင်း သိရပါတယ်။

ဒီကနေ့ ရွေးကောက်ပွဲတွေကို လာရောက်မဲပေးသူ အရေအတွက် အတော် နည်းပါးတယ်လို့ သိရပါတယ်။ ဒဂုံမြို့သစ်မြောက်ပိုင်း၊ တောင်ပိုင်း၊ အရှေ့ပိုင်းနဲ့ ဆိပ်ကမ်းမြို့နယ်တွေမှာ မဲပေးခွင့်ရှိသူ ၂ သိန်းကျော်အနက် ၇ သောင်းသာ လာရောက်မဲပေးခဲ့တယ်လို့ သိရပါတယ်။

မြန်မာနိုင်ငံတဝှမ်းက မဲရုံအသီးသီးမှာ ကြံ့ခိုင်ဖွံ့ဖြိုးရေးပါတီက ရွေးကောက်ပွဲစည်းကမ်း ဖောက်ဖျက်တဲ့ လုပ်ရပ်တွေ တွင်တွင်ကျယ်ကျယ် ကျူးလွန်ခဲ့တယ်လို့ ဒေသခံတွေနဲ့ တခြားနိုင်ငံရေးပါတီတွေက ပြောပါတယ်။