အင်းလေလံ လုပ်ငန်း အဂတိလိုက်စားမှု လယ်သမားများ အထူးနစ်နာ

ဧရာဝတီတိုင်း အတွင်း အင်းလုပ်ပိုင်ခွင့်များ ရောင်းချရာမှာ တကယ် အင်းလုပ်ငန်း လုပ်ကိုင်သူများက တိုက်ရိုက် မရရှိဘဲ တဆင့် ပြန်ဝယ်ယူနေရတဲ့ အတွက် ဒေသခံ လယ်သမားတွေ အတော့်ကို နစ်နာနေကြရတယ်လို့သိရပါတယ်။

2011.05.10
farmer_305_z ရေပြည့်နေသော လယ်ကွင်းတခုတွင် လယ်သမားတဦး အလုပ်လုပ်နေပုံ ဖြစ်ပါသည်။
AFP

ဟင်္သတ ခရိုင်က HRDP - လူ့အခွင့်အရေး ကာကွယ်စောင့်ရှောက်သူ ကိုကျော်လွင်က တရားဝင် အခွန်ငွေ ဆယ်သိန်း ပေးရတဲ့ အင်းတခု အတွက် အဆင့်ဆင့် အမြတ်ယူပုံကို RFA ကို ခုလိုရှင်းပြပါတယ်။

"ဒီအင်းကို ပိုင်ဆိုင်ဖို့ရာက နိုင်ငံတော်ကို ၁၀ သိန်းလောက် သွင်းရမယ်။ ရုံးမှာရှိတဲ့သူတွေကို ၁၅ သိန်းလောက် ပေးရမယ်။ ကျန်တဲ့ဟာကျတော့ ဂရံပိုင်ရှင်ကို သူတို့ အဲဒီလို အင်းမျိုးဆိုရင် အမြတ်သက်သက် သိန်း ၆၀ - ၇၀ လောက် ပေးပြီးတော့မှ လုပ်ပိုင်ခွင့် ရကြတယ်။

ပြီးတော့မှ သူတို့ မဆိုင်တဲ့၊ တောင်းပိုင်ခွင့်မရှိတဲ့ ဥပဒေတွေကို ချိုးဖောက်ပြီးတော့ လယ်သမားတွေကို လိုက်ပြီးတော့ ပိုက်ဆံတောင်းတာပေါ့။ သွားပြီးတော့ တိုင်လို့ရှိရင် တရားဥပဒေအရ မကျူးလွန်ဘဲနဲ့ ကျူးလွန်တယ်ဆိုပြီးတော့ လယ်သမားတွေ အရေးယူခံရတယ်။"

ကျုံပျော်မြို့နယ်က လယ်သမားကြီး တဦး ကလည်း မိမိ လယ်မြေမှာ ဖြစ်ပေါ်တဲ့ ရေပြင်ကနေ ကိုယ့်ဝမ်းစာ အတွက်တောင် ငါးဖမ်းခွင့် မရှိဘူးလို့လည်း အာအက်ဖ်အေကို ပြောပါတယ်။

အခုလို မိုးရာသီမှာ လယ်မြေများ အပေါ်ရေတင်ပြီးဖြစ်ပေါ်တဲ့ လယ်ကြားအင်းခေါ် ယာယီ အင်းများကို လုပ်ပိုင်ခွင့်ရရှိသူများက မိမိတို့အရင်းကြေအောင် လယ်သမားတွေ အပေါ် မတရား ငွေကောက်ခံနေတာကို သက်ဆိုင်ရာကို တိုင်ကြားပေမဲ့ ထိထိရောက်ရောက် အရေးမယူဘူးလို့သိရပါတယ်။

အာဏာပိုင်တွေ ကိုယ်တိုင်က ကိုယ်တိုင် ရေလုပ်ငန်းမလုပ်ဘဲ အင်းဂရန်တွေ လုပ်စားဖို့ အထက်က ရရှိနေလို့ ခုလို နှုတ်ဆိပ်နေခြင်း ဖြစ်တယ်လို့ ကိုကျော်လွင်က ပြောပါတယ်။

"သူတို့ကလဲ ငြိမ်နေတယ်ဆိုတာက သူတို့ ကိုယ်တိုင်က အင်းဂရံ အပိုင်စားတွေ ရတယ်လေ။ သူတို့ကိုယ်တိုင်က သိန်း ၃၀ တို့ သိန်း ၄၀ တို့နဲ့ အမြတ်တင် ရောင်းစားတဲ့သူတွေ ဖြစ်နေတဲ့အတွက်။ ဒီရေလုပ်ငန်း ဝန်ကြီးဌာနက ဝန်ကြီးဆီကနေဘဲ တိုက်ရိုက် ခွဲတန်းချပြီးတော့ ဒီအင်းတွေကို လုပ်စားဆိုပြီး ခွဲတန်းချပေးလိုက်တာ။"

မြန်မာပြည်တဝှမ်း ဧရာဝတီတိုင်း ၊ပဲခူးတိုင်းနဲ့ စစ်ကိုင်းတိုင်း တို့မှာ အင်းဂရံပေါင်း ခုနှစ်သောင်းခန့်ရှိရာမှာ အများစုမှာ အခုလို အဂတိလိုက်စားမှုတွေ ရှိတယ်လို့ မကြာခဏ ကြားသိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။

မှတ်ချက်

Anonymous
2011-05-11 17:33

This issue is totally correct in the whole country especially in Ayeyarwaddy, Bago, Mandalay, Tanintharyi and Mon, Karen state. Real fisher is difficult to get tender for fishing right in particular area but many tender holders are not real fisher that they sold their tenders to others. Therefore, tender fees is too costly. Many tender holders in Myanmar do not know how to catch fish and fishing gear but they got tender for fishing right from Department of Fisheries (DOF). There is a lot of corruption in DOF staff including from high level officer in central officer (DOF) to township level officer. They grant tender license to their relatives, friends and businessmen who never know fishing that many tender holders are ex ministers and their wives, their relatives ,army officers, business men who are good relationship with DOF staff. Therefore, good governance will be come out if many issues is justified including DOF grant tenders to real fishers in the whole country.