အလုံမြို့နယ်မှာ လူငယ် ရှစ်ဦးအဖမ်းခံရ
စစ်ကောင်စီတပ်ဖွဲ့ဝင်အချို့ကို ၂၀၂၁ ခုနှစ်၊ မေလ ၆ ရက်နေ့က ရန်ကုန်မြို့မှာ တွေ့ရစဉ်
Photo: STR / AFP
ရန်ကုန်တိုင်း၊ အလုံမြို့နယ် ဆင်မင်းလမ်းနဲ့ ငုဝါလမ်းထောင့်မှာရှိတဲ့ လူနေတိုက်တစ်လုံးကို သြဂုတ်လ ၃၁ ရက်နေ့ ညမှာ စစ်ကောင်စီက ဧည့်စာရင်းဝင်စစ်ရာကနေ လူငယ်ရှစ်ဦး အဖမ်းခံရတယ်လို့ ဒေသခံတွေက RFA ကို ပြောပါတယ်။
အဲဒီလူငယ်တွေဟာ ပစ်ခတ်ဖမ်းဆီးခံခဲ့ရတာလို့ လုံခြုံရေးအရ အမည်မဖော်လိုသူတစ်ဦးက ပြောပါတယ်။
"တိုက်အပေါ်ဆုံးထပ်ကို ပစ်ပြီးဝင်ဖမ်းတာ ခြောက်ယောက်က အခန်းထဲမှာ မိသွားတယ်။ ကျန်တဲ့ နှစ်ယောက်က ပြတင်းပေါက်ကနေ ခုန်ချသွားတာ။ သူတို့ကိုလည်း အောက်မှာ မိသွားတယ်။ အဲတိုက်ကိုက ဧည့်စာရင်းနဲ့လာတာ မဟုတ်ဘူးဗျ။ သတင်း အတိအကျရလို့ အဲနေရာကို ချန်ပြီး အခြားနေရာတွေကို ဧည့်စစ်ပြီးမှ ဝင်ဖမ်းတာ"
အဲဒီလူငယ်တွေရဲ့အမည်နဲ့ အသက်အရွယ်ကို မသိရသေးသလို စစ်ကောင်စီဘက်ကလည်း တစ်စုံတစ်ရာ ထုတ်ပြန်တာ မရှိသေးပါဘူး။
ပစ်ခတ်ဖမ်းဆီးခံရမှုကြောင့် ဒဏ်ရာရသူရှိနိုင်သလို ခုန်ချသွားတဲ့သူနှစ်ဦးဟာလည်း ပြန်မထနိုင်တော့ဘဲ အဖမ်းခံရတာလို့ ရပ်ကွက်နေသူတွေက ပြောပါတယ်။
စစ်ကောင်စီအနေနဲ့ အခုနောက်ပိုင်းမှာ သပိတ်အင်အားစုတွေကို ပစ်မှတ်ထားပြီး ဖမ်းဆီးတာတွေ ခပ်စိတ်စိတ် လုပ်ဆောင်လာနေတယ်လို့ သပိတ်အင်အားစု လူငယ်တွေက ပြောပါတယ်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း APPP ရဲ့ စာရင်းတွေအရ ၂၀၂၁ ခုနှစ် အာဏာသိမ်းချိန်ကနေ ၂၀၂၂ ခုနှစ် စက်တင်ဘာလ ၁ ရက်နေ့ထိ ဖမ်းဆီးခံထားရသူ ၁၂၂၁၉ ဦးရှိပြီး အဲအထဲက ၁၄၂၅ ဦး ထောင်ဒဏ်ချမှတ်ခံထားရပါတယ်။
ဖတ်ရှုသူအများဆုံး သတင်းများ။
RFA
- မလေးရှားမှာ မြန်မာနိုင်ငံသား ကိုးဆယ်ခန့် ဖမ်းဆီးခံရပြီး တစ်ဦး သေဆုံး
- ထိုင်း အလုပ်သမား ဥပဒေသစ်ကြောင့် မြန်မာလူငယ်တွေ အခက်တွေ့နိုင်
- ထိုင်းနိုင်ငံမှာ မြန်မာထုတ်ကုန်ပစ္စည်း ၁၆၀၀၀ ကျော် သိမ်းဆည်းခံရ
- သန်းခေါင်စာရင်းကောက်တဲ့အဖွဲ့ကို လုံခြုံရေးယူပေးတဲ့ စစ်ကောင်စီစခန်းငါးခု တိုက်ခိုက်ခံရ
- မြန်မာ့အရေးအမြန်ဖြေရှင်းဖို့ အာဆီယံကို ထိုင်းဝန်ကြီးချုပ်သစ်တောင်းဆို
ဖတ်ရှုသူအများဆုံး သတင်းများ။
သတင်းများ
- တိုက်ပွဲတွေရပ်အောင်လုပ်ဖို့ မြန်မာသံအမတ်ကို ဘင်္ဂလားဒေ့ရှ်သတိပေး
- စက်တင်ဘာလအတွင်း ဖမ်းဆီးခံရတဲ့ မြန်မာအလုပ်သမား လေးရာကျော် ပြန်ပို့ခံရ
- မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ကွယ်လွန်
- အင်ဒိုနီးရှားက မြန်မာ့အရေးဆွေးနွေးပွဲ NUG တက်ရောက်
- ရက် ၁၂ဝ စီမံကိန်းကာလအတွင်း မြန်မာအလုပ်သမား နှစ်သိန်းကျော် ဖမ်းဆီးခံရ