ပြည်ပရောက် အလုပ်သမားတွေရဲ့ အချက်အလက် စစ်ကောင်စီ ဖိအားပေးတောင်းယူ
2024.07.25
ထိုင်းနိုင်ငံ၊ သုဝဏ္ဏဘူမိ လေဆိပ်ရှိ ခရီးသွားများအား ၂၀၂၃ ခုနှစ်၊ အောက်တိုဘာလ ၂၉ ရက်နေ့က တွေ့ရစဉ်။
Photo: RFA
ပြည်ပရောက် အလုပ်သမားတွေရဲ့ ကိုယ်ရေးအချက်အလက်တွေကို ဇူလိုင်လ ၂၅ ရက် ဒီနေ့ နောက်ဆုံးထားပေးဖို့ စစ်ကောင်စီက ပြည်ပအလုပ်အကိုင် အေဂျင်စီတွေကို ဖိအားပေး တောင်းယူနေတယ်လို့ ပြည်ပအလုပ်အကိုင်အေဂျင်စီတွေက RFA ကို ပြောပါတယ်။
အချက်အလက်မပို့တဲ့ ပြည်ပအလုပ်အကိုင် အေဂျင်စီတွေကို ဇူလိုင် ၂၆ ရက်ကစပြီး အရေးယူမယ်လို့လည်း စစ်ကောင်စီရဲ့ အလုပ်သမားဝန်ကြီးဌာနက ဇူလိုင် ၂၃ ရက်မှာ ထုတ်ပြန်ထားပါတယ်။
၂၀၂၃ ခုနှစ်၊ ဧပြီလကနေ ဒီဇင်ဘာလအတွင်း ပြည်ပရောက်အလုပ်သမားတွေရဲ့ ကိုယ်ရေးအချက်အလက် လုံးဝမပို့တဲ့အေဂျင်စီပေါင်း ၂၀၆ ခုအထိ ရှိနေတာပါ။
အဲဒီအေဂျင်စီတွေဟာ အလုပ်သမားစေလွှတ်ရေးလုပ်ငန်းစဥ် ဆိုင်းငံ့ခံရနိုင်ပြီး ဒဏ်ကြေးပါကောက်မယ်လို့ အလုပ်သမား ဝန်ကြီးဌာနရဲ့ထုတ်ပြန်ချက်မှာ ဖော်ပြထားပါတယ်။
ရန်ကုန်မြို့က ပြည်ပအလုပ်အကိုင် အေဂျင်စီတစ်ခုကတော့ စစ်မှုထမ်းဥပဒေနဲ့ အကျုံးဝင်တဲ့သူတွေကို ဖိအားပေးပြန်ခေါ်ချင်လို့ ကိုယ်ရေးအချက်အလက်တွေ တောင်းတာဖြစ်နိုင်တယ်လို့ RFA ကို ပြောပါတယ်။
“ပြည်ပထွက်သွားတဲ့ အလုပ်သမားတွေရဲ့ ကိုယ်ရေးအချက်အလက်တွေကို စပေးရတာတော့ ၂၀၂၃ ခုနှစ်ကတည်းကပါ။ အဲဒီတုန်းက အမည်နဲ့ ပတ်စ်ပို့ နံပါတ်လောက်ပဲ ပေးခဲ့ရတာ၊ အခုက ကိုယ်ရေးအချက်အလက်အသေးစိတ် အကုန်ပေးရမှာ”
ကိုယ်ရေးအချက်အလက်မှာ နေထိုင်ရာဒေသ၊ ပြည်ပမှာ အလုပ်လုပ်ကိုင်တဲ့နေရာ၊ အလုပ်အကိုင်အမျိုးအစားအပါအဝင် လူတစ်ဦးရဲ့ ကိုယ်ရေးအချက်အလက်အားလုံးကို စစ်ကောင်စီက တောင်းယူတာဖြစ်ပါတယ်။
ပြည်ပရောက် အလုပ်သမားတွေဟာ သူတို့ရဲ့ဝင်ငွေ ၂၅ ရာခိုင်နှုန်းကို ပြည်တွင်း ပြန်လွှဲဖို့အတွက်လည်း စစ်ကောင်စီရဲ့ ဖိအားပေးမှုကို ရင်ဆိုင်နေကြရပါတယ်။
ဖတ်ရှုသူအများဆုံး သတင်းများ။
RFA
- ဗိုလ်ချုပ်မှူးကြီးမင်းအောင်လှိုင်ကို လက်နက်ကြီးနဲ့ တိုက်ခိုက်ခဲ့ကြောင်း KNDF ပြော
- မြန်မာအလုပ်သမား ဇနီးမောင်နှံ ထိုင်းထီ ဘတ် ခြောက်သန်းဆုပေါက်
- ထိုင်းနိုင်ငံက မြန်မာကလေး တစ်ထောင်ကျော် ပညာသင်နေတဲ့ကျောင်း အပိတ်ခံရ
- ဘာသာရေးခေါင်းဆောင် သုံးယောက်ကို လူ့အခွင့်အရေးကော်မရှင်အဖွဲ့ဝင်အဖြစ် စစ်ကောင်စီခန့်အပ်
- အာဆီယံ ကာကွယ်ရေးဦးစီးချုပ်များ အစည်းအဝေး စစ်ကောင်စီ ကိုယ်စားလှယ် တက်ရောက်
ဖတ်ရှုသူအများဆုံး သတင်းများ။
သတင်းများ
