ဒေါ်အောင်ဆန်းစုကြည်နဲ့ ဂျော့ဂျ် ဆိုးရော့စ် ဇန်နဝါရီ ၂ ရက် တွေ့မည်

မစ္စတာ ဆိုးရော့စ်ဟာ ၈ ရက်ကြာ မြန်မာနိုင်ငံ ခရီးစဉ်အတွင်း ရှမ်းပြည်နယ် အင်းလေးဒေသ အပါအဝင် နိုင်ငံတဝန်းက နေရာအတော်များများကို သွားရောက်ဖို့ စီစဉ်ထားတယ်လို့ သိရပါတယ်။ အသက် ၈၁ နှစ် ရှိပြီဖြစ်တဲ့ မစ္စတာ ဆိုးရော့စ်ဟာ ၈ လေးလုံးအရေးတော်ပုံ နောက်ပိုင်းကစလို့ သူထူထောင်ထားတဲ့ Open Society Foundation ကတစ်ဆင့် ပြည်တွင်း ပြည်ပက မြန်မာ့ ဒီမိုကရေစီလှုပ်ရှားမှုတွေအတွက် နှစ်စဉ် ဒေါ်လာငွေ ၂ သန်းလောက် ထောက်ပံ့ပေးလာခဲ့ပါတယ်။

ဂျော့ဂျ် ဆိုးရော့စ်ဟာ အခုလ ၂၆ ရက်က ကိုယ်ပိုင် ဂျက်လေယာဉ်နဲ့ မြန်မာနိုင်ငံကို ရောက်ရှိလာတာဖြစ်ပြီး သားနှစ်ယောက်နဲ့ Open Society Foundation က ဝန်ထမ်းတချို့လည်း လိုက်ပါလာတယ်လို့ ဆိုပါတယ်။