မြန်မာ့ရေရှည် တိုးတက်ရေးအတွက် အစီအစဉ်တကျ ကူညီကြစေချင်

အခုတော့ နောက်ထပ် ယူရိုငွေ (၁၀) သန်း ထပ်ဆောင်းပြီး ကူညီဖွယ်ရှိတယ်လို့ ဂျာမန်အစိုးရ ဖွံ့ဖြိုးတိုးတက်မှုဆိုင်ရာ ဝန်ကြီး Dirk Niebel က ပြောပါတယ်။

ဒါ့အပြင် ကူညီငွေတွေကို ဘယ်နေရာတွေမှာ သုံးစွဲသင့်သလဲဆိုတာ ဆွေးနွေးဖို့ ဖွံ့ဖြိုးတိုးတက်မှုဆိုင်ရာ ဝန်ကြီးဌာနက အရာရှိတစ်ဦး မြန်မာနိုင်ငံကို ရှေ့လထဲမှာ သွားရောက်မှာဖြစ်ပါတယ်။

ရေရှည် တိုးတက်ဖွံ့ဖြိုးရေးကို အဓိကထားမှာ ဖြစ်တဲ့အတွက် သက်မွေးဝမ်းကျောင်း ပညာရပ်တွေ လေ့ကျင့်သင်ကြားရေး အရေးကြီးကြောင်းလည်း ဂျာမန်အစိုးရ ဖွံ့ဖြိုးတိုးတက်မှုဆိုင်ရာ ဝန်ကြီးက ပြောဆိုပါတယ်။

မြန်မာနိုင်ငံအတွက် ကူညီကြရာမှာ တစ်ယောက်တစ်ပေါက် ကြုံသလို လှူဒါန်းနေကြမယ့်အစား အချင်းချင်း တိုင်ပင်နှီးနှောပြီး အစီအစဉ်ကျကျ လှူဒါန်းကြဖို့လည်း ဝန်ကြီး Dirk Niebel တခြားအလှူရှင် နိုင်ငံတွေကို ဆော်သြ တိုက်တွန်းလိုက်ပါတယ်။