ကြို့ပင်ကောက်မြို့မှာ လက်ပန်းတောင်းအရေး ဆန္ဒဖေါ်ထုတ်

ဆန္ဒဖေါ်ထုတ်ပွဲကို ပြီးခဲ့တဲ့ ၂ ရက်လောက်က စတင်ကျင်းပခဲ့တာဖြစ်ပြီး ဒီကနေ့ဟာ နောက်ဆုံးနေ့ဖစ်ပါတယ်။ သပိတ်စခန်းတွေက ရဟန်းသံဃာတော်နဲ့ ပြည်သူတွေ အကြမ်းဖက်ခံရတာကို ကန့်ကွက်တဲ့အနေနဲ့ ဆန္ဒထုတ်ဖော်တာဖြစ်တယ်လို့ ကြို့ပင်ကောက်မြို့နယ် လူငယ်ကွန်ရက်ခေါင်းဆောင်တစ်ဦးဖြစ်တဲ့ ကိုမောင်မောင်ဦးက ပြောပါတယ်။

ဆန္ဒပြပွဲတွေကို ကြို့ပင်ကောက်မြို့နယ် လူငယ်ကွန်ရက်အဖွဲ့ဝင် ၆ ဦးက ဦးဆောင်ပြီး ကြို့ပင်ကောက်မြို့မဈေးကြီး ဘေးပတ်လည်ကနေ အနောက်လမ်းမတော်ဘက်ကို လမ်းလျှောက်ပြီး ဆန္ဒထုတ်ဖော်ခဲ့ကြတာ ဖြစ်ပါတယ်။ ဆန္ဒပြလမ်းလျှောက်ကြရာမှာ အမျိုးသမီး ၃ဝ နီးပါးခန့် ပါဝင်တယ်လို့ သိရပါတယ်။

အခုလို ဆန္ဒပြလမ်းလျှောက်ရာမှာ ဒီကနေ့မှာ လုံခြုံရေးရဲတပ်ဖွဲ့ဝင်တွေက မတားဆီးပေမယ့် မြို့မဈေးကြီးပတ်လည်နဲ့ မြို့လယ်ကောင်မှာ လုံခြုံရေးအဖွဲ့ဝင်တွေ နေရာယူစောင့်ကြည့်နေတယ်လို့ သိရပါတယ်။