အသိမ်းခံမြေကိစ္စ ရုန်းရင်းဆန်ခတ်ဖြစ်
2019.04.16
စစ်ကိုင်းတိုင်းဒေသကြီး၊ ကန့်ဘလူမြို့နယ်၊ ဘူးကုန်းရွာအနီးက သိမ်းယူခံလယ်မြေပေါ်မှာ တဲတိုးနေထိုင်နေကြတဲ့ ဒေသခံတွေနဲ့ စိုက်ပျိုးရေးဦးစီးဌာနက တာဝန်ရှိသူတွေ ပဋိပက္ခ ဖြစ်ပွားစဉ်
Photo: Han Win Aung
စစ်ကိုင်းတိုင်းဒေသကြီး၊ ကန့်ဘလူမြို့နယ်၊ ဘူးကုန်းရွာအနီးက သိမ်းယူခံလယ်မြေပေါ်မှာ တဲတိုးနေထိုင်နေကြတဲ့ ဒေသခံတွေနဲ့ စိုက်ပျိုးရေးဦးစီးဌာနက တာဝန်ရှိသူတွေကြား ဒီနေ့မနက်က ရုန်းရင်းဆန်ခတ် ဖြစ်ပွားခဲ့ပါတယ်။
တောင်သူတွေက သိမ်းဆည်းခံမြေတွေမှာ ပဲ၊ ပြောင်း၊ နှမ်း ပြန်လည်စိုက်ပျိုးလိုတာကြောင့် ပြီးခဲ့တဲ့ တစ်ပတ်ကစပြီး လယ်ကွက်တွေမှာ တဲထိုးနေထိုင်နေကြတာကို စိုက်ပျိုးရေးဌာနက ဝန်ထမ်းတွေက ဒီနေ့ လယ်ထွန်စက်တွေနဲ့ ဖျက်ဖို့ကြိုးစားရာမှာ တောင်သူတွေက တားဆီးတာကြောင့် ပဋိပက္ခတွေဖြစ်ခဲ့တာလို့ တောင်သူ ဒေါ်ခရေ က ပြောပါတယ်။
၁၉၈၀ ခုနှစ်က နိုင်ငံတော်ပိုင် ပြောင်းစိုက်ခင်းအတွက်ဆိုပြီး အဲဒီနေရာက မြေဧက ၅၀၀၀ ကျော်ကို စိုက်ပျိုးရေးဦးစီးဌာနက သိမ်းယူခဲ့ပြီး စီမံကိန်း မအောင်မြင်တာကြောင့် တပ်မတော်ရိက္ခာတပ်ကို မြေဧက ၃၀၀၀ ခန့် လွဲှပြောင်းပေးခဲ့တယ်လို့ တောင်သူတွေက ပြောပါတယ်။
ကျန်မြေဧက ၂၀၀၀ ထဲက ၉၀၀ ကျော်ကို မူလတောင်သူတွေမဟုတ်ဘဲ သီးစားလုပ်ကိုင်ခွင့်ရခဲ့တဲ့ တောင်သူတွေကို ၂၀၁၅ နဲ့ ၂၀၁၆ ခုနှစ်တွေမှာ ပြန်ပေးခဲ့တာတွေရှိတယ်လို့ မြေဧက ၄၀ ခန့် သိမ်းဆည်းခံခဲ့ရတဲ့ ဒေါ်ခရေ က ပြောပါတယ်။
လက်ရှိမှာ တောင်သူ ၁၂၀ လောက်က ကျန်မြေ ၁၁၂၉ ဧကမှာ ပြန်လည် လုပ်ကိုင်ခွင့်ရဖို့ လိုလားနေတာ ဖြစ်ပါတယ်။
၂၀၁၇ ခုနှစ်ကလည်း တောင်သူတွေဟာ အဲဒီမြေတွေမှာ ဝင်ရောက်စိုက်ပျိုးခဲ့တာကြောင့် ကျူးကျော်မှု၊ အကျိုးပျက်စီးစေမှုပုဒ်မတွေနဲ့ တောင်သူ ၅ ဦး ထောင်ဒဏ် ၁ နှစ်ကျော် ကျခံခဲ့ပါတယ်။
ဒီသတင်းကို RFA သတင်းထောက် မဝေမာထွန်း ပေးပို့တာပါ။
ဖတ်ရှုသူအများဆုံး သတင်းများ။
RFA
- မြန်မာအလုပ်သမားတွေရဲ့ အချက်အလက်တွေ စစ်ကောင်စီထံမပေးဖို့ ထိုင်းအစိုးရကို NUG တောင်းဆို
- အိမ်ခြေမဲ့ဘဝနဲ့ ဖြတ်သန်းနေရတဲ့ ရွှေတံဆိပ်သုံးဆုရ နိုင်ငံတော်တံဆိပ်ဖန်တီးရှင် ဦးမြသောင်း
- မြန်မာက လူ့အခွင့်အရေးကာကွယ်သူကို အမေရိကန် ဆုချီးမြှင့်
- ငွေကျပ် ကိုးဘီလီယံကျော် မူးယစ်ဆေးဝါးတွေ စစ်ကောင်စီဖမ်းဆီး
- ထိုင်းမှာ တရားမဝင်နေထိုင်နေတဲ့ မြန်မာတွေဆီက ကျည်ဆန် သုံးထောင်နီးပါး သိမ်းဆည်းရမိ
ဖတ်ရှုသူအများဆုံး သတင်းများ။
သတင်းများ
- ထိုင်း-မြန်မာနယ်စပ်က တရားမဝင် ဆက်သွယ်ရေးလိုင်းတွေ ဖြုတ်သိမ်းခံရ
- ရွှေဝါရောင်ဆရာတော် အကြမ်းဖက်ပုဒ်မနဲ့ အင်းစိန်ထောင် ပို့ဆောင်ခံရ
- မြန်မာနိုင်ငံက တရုတ်စီမံကိန်းတွေကို ကာကွယ်ပေးဖို့ တရုတ်အစိုးရ တောင်းဆို
- ထိုင်းက တရားဝင် မြန်မာအလုပ်သမားတွေကို စစ်ကောင်စီ တာဝန်ယူမှု ပျက်ကွက်
- မြန်မာ့သင်္ကြန် ယူနက်စကိုရဲ့ ဒြပ်မဲ့ယဉ်ကျေးမှု စာရင်းဝင်