နေ့အပူချိန်မြင့်တက်နိုင်တဲ့ တိုင်း နဲ့ ပြည်နယ်တွေကို မိုးဇလ ထုတ်ပြန် သတိပေး

"တောင်ငူမြို့မှာတော့ အပူချိန်စံချိန်ချိုးတဲ့ အနေအထားလေးရှိပါတယ်။ စခန်းဖွင့်တဲ့ အချိန်ကနေ စပြီးတော့ပေါ့နော်။ ဧပြီလအတွင်းမှာ တိုင်းတာလို့ ရရှိတဲ့ နေ့အပူချိန်တွေထဲမှာ စံချိန်ချိုးတာကတော့ ၄၃.၃ ဒီဂရီစင်တီဂရိတ်နဲ့ စံချိန်ကျိုးပါတယ်။ မနှစ်ကတော့ ၄၂.၈ ဒီဂရီစင်တီဂရိတ် စံချိန်ရှိခဲ့တာပေါ့။ စခန်းစတာ ကတော့ နှစ်ပေါင်း ၇၀ လောက် ရှိမှာပေါ့နော်။"

ဒီနေ့ဆိုရင် ချောက်မြို့မှာ ၄၆ ဒီဂရီစင်တီဂရိတ်၊ ဂန့်ဂေါ၊ ညောင်ဦးနဲ့ မကွေးမြို့မှာ ၄၄ ဒီဂရီစင်တီဂရိတ်၊ မုံရွာ၊ မြင်းခြံ၊ မန္တလေး၊ မြင်းမူ၊ မင်းဘူး၊ တောင်တွင်းကြီး၊ ပေါက်နဲ့ ဆင်ဖြူကျွန်းမြို့တွေမှာ ၄၃ ဒီဂရီစင်တီဂရိတ် အထိ နေ့အပူချိန်တွေမြင့်တက်နိုင်တယ်လို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက ထုတ်ပြန်ထားပါတယ်။

မကွေးတိုင်း တောင်ပိုင်း၊ မန္တလေးတိုင်း တောင်ပိုင်း၊ ပဲခူးတိုင်း အရှေ့မြောက်ခြမ်းတွေမှာဆိုရင် ၄၁ ဒီဂရီ စင်တီဂရိတ်ကနေ ၄၅ င်္ဒီဂရီ စင်တီဂရိတ်အထိ ရောက်ရှိနိုင်တယ်လို့လည်း သတိပေးထားပါတယ်။

မိုးလေဝသပညာရှင် ဒေါက်တာထွန်းလွင်က တိုင်းနဲ့ ပြည်နယ် ၁၀ ခုမှာ ဒီနေ့ ဧပြီလ ၁၁ ရက်ကနေ ၁၇ ရက်နေ့ အထိ တပတ်ကြာ နေ့အပူချိန်တွေ မြင့်တက်နိုင်တယ်လို့ သတိပေးထားပါတယ်။

စစ်ကိုင်း၊ မကွေး၊ မန္တလေး၊ ပဲခူး၊ ရန်ကုန်၊ ဧရာဝတီ၊ ရခိုင်၊ ရှမ်းနဲ့ ကယား စတဲ့ တိုင်းဒေသကြီးနဲ့ ပြည်နယ်တွေ မှာ နေ့အပူချိန်ဟာ ၃၅ ဒီဂရီ စင်တီဂရိတ်ကနေ ၄၀ ဒီဂရီ စင်တီဂရိတ်အထိ ရောက်ရှိနိုင်တယ်လို့ သူ့ရဲ့ လူမှုကွန် ယက် စာမျက်နှာမှာ ရေးသားထားပါတယ်။

ဒီကနေ့ ဧပြီ ၁၁ ရက်နေ့မှာ တစ်နိုင်ငံလုံး အတိုင်းတာနဲ့ နေ့အပူချိန်တွေ မြင့်တက်နေတဲ့အတွက် နေပြင်းတဲ့အချိန် မှာ အိမ်ပြင်ထွက်ရင် ဦးထုပ်၊ ထီး စတာတွေ ဆောင်ဖို့၊ အပြင်ကပြန်လာရင် ချက်ချင်းရေလောင်းတာ၊ ရေချိုး တာတွေမလုပ်ဖို့၊ အရက်သေစာ အလွန်အကျွံမသောက်ဖို့၊ ရေခဲရေသောက်တာတွေကို ရှောင်ရှားဖို့ နိုင်ငံတော် အတိုင်ပင်ခံရုံးကလည်း သတိပေးထုတ်ပြန်ထားပါတယ်။