အိန္ဒိယ-အာဆီယံ ဆွေးနွေးပွဲမှာ စစ်ကောင်စီကိုယ်စားလှယ်ကို ချန်လှပ်ထားဖွယ်ရှိ

2022.05.29
Share on WhatsApp
Share on WhatsApp
အိန္ဒိယ-အာဆီယံ ဆွေးနွေးပွဲမှာ စစ်ကောင်စီကိုယ်စားလှယ်ကို ချန်လှပ်ထားဖွယ်ရှိ စစ်ကောင်စီ နိုင်ငံခြားရေးဝန်ကြီး ဦးဝဏ္ဏမောင်လွင်။
Photo: Ministry of Foreign Affairs Myanmar

ဇွန်လအလယ်မှာ ကျင်းပမယ့် အိန္ဒိယ-အာဆီယံ နိုင်ငံခြားရေးဝန်ကြီးများအစည်းအဝေးမှာ စစ်ကောင်စီရဲ့ နိုင်ငံခြားရေးဝန်ကြီးကို ဖိတ်နိုင်ချေမရှိဘူးလို့ The Hindu သတင်းမှာ မနေ့က ဖော်ပြထားပါတယ်။

ဘုံသဘောတူညီမှု ၅ ချက် အကောင်အထည်ဖော်ဖို့ စစ်ကောင်စီက ပျက်ကွက်နေတဲ့အတွက် အရေးပါတဲ့ အစည်းအဝေးတွေမှာ နိုင်ငံရေးနဲ့ မသက်ဆိုင်တဲ့ကိုယ်စားလှယ်ကိုပဲ ဖိတ်မယ်ဆိုတဲ့ ဆုံးဖြတ်ချက်အတိုင်း ဆောင်ရွက်သွားဖို့ ရှိနေတယ်လို့ အိန္ဒိယအစိုးရအရာရှိတွေနဲ့ သံတမန်ရပ်ကွက်က သိရတယ်လို့ ဆိုပါတယ်။

ဇွန်လ ၁၅ ရက်မှာ ကျင်းပမယ့် အာဆီယံ-အိန္ဒိယထိပ်သီးအစည်းအဝေးနဲ့ ဇွန်လ ၁၆ ရက် နဲ့ ၁၇ ရက်နေ့တွေမှာ ကျင်းပမယ့် နိုင်ငံခြားရေးဝန်ကြီးများအစည်းအဝေးတက်ဖို့ စစ်ကောင်စီနိုင်ငံခြားရေးဌာန အမြဲတမ်းအတွင်းဝန် ဦးချမ်းအေးကိုပဲ ဖိတ်စာပို့ထားတယ်လို့ သတင်းမှာ ရေးထားပါတယ်။

ဖိတ်ကြားချက်ကို ဒီနေ့ တနင်္လာနေ့ နောက်ဆုံးပြန်ကြားရမှာဖြစ်ပေမယ့် စစ်ကောင်စီဘက်က သဘောထားကို လတ်တလော မသိရသေးပါဘူး။ အိန္ဒိယနိုင်ငံခြားရေးဝန်ကြီးဌာနကလည်း ဒါနဲ့ပတ်သက်လို့ မှတ်ချက်ပေးဖို့ ငြင်းဆိုပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။