မြဝတီမြို့မှ DKBA တပ်ဆုတ်ခွာ၊ မြန်မာစစ်တပ်ပြန်သိမ်း
2010.11.09
တိုးတက်သော ကရင်ဗုဒ္ဓဘာသာ တပ်ဖွဲ့ (DKBA) နှင့် မြန်မာ စစ်အစိုးရတပ်များ တိုက်ပွဲ ပြင်းထန်စွာ ဖြစ်ပွားခြင်းကြောင့် မြန်မာဖက်ကမ်း မြဝတီမြို့မှ ထိုင်းဖက်ကမ်း မဲဆောက်မြို့သို့ အစုလိုက် အပြုံလိုက် ထွက်ပြေးလာသော စစ်ပြေးဒုက္ခသည်များကို နိုဝင်ဘာ ၈ ရက်နေ့က တွေ့ရပုံ ဖြစ်ပါသည်။ (Photo: Partners Relief & Development)
တချိန်တည်းမှာလည်း ဘုရားသုံးဆူ မြို့တွင်း နေရာယူထားတဲ့ တပ်များလည်း မနေ့က ညက မြို့ပြင်ကို ထွက်ခွာ တယ်လို့ သိရပါတယ်။
ဒါကြောင့် မဲဆောက်ဖက်ကမ်းကို ရောက်နေတဲ့ မြန်မာနိုင်ငံသား ဒုက္ခသည် တချို့ မြန်မာနိုင်ငံဖက်ကမ်းကို ပြန်ကူးကြပါတယ်။ ဒါပေမဲ့ ဒီကနေ့ မနက်ပိုင်းက ဗိုလ်မှူးကြီး စောလားပွယ် (ခေါ်) ဗိုလ်နှုတ်ခမ်းမွေးရဲ့ တပ်မဟာ ၅ အခြေစိုက်တဲ့ ဝေါလေဒေသကို စစ်အစိုးရတပ်တွေ လာရောက်ပစ်ခတ်တာကြောင့် ရွာသူရွာသား တွေ ထိုင်းနိုင်ငံဖက်ကို တိမ်းရှောင်တယ်လို့ KIC အဖွဲ့က ပြောပါတယ်။
အလားတူပဲ ဒီကနေ့ ညနေပိုင်းက ဝေါလေရွာကို စစ်အစိုးရတပ်တွေ မီးရှို့တယ်လို့ DKBA အရာရှိ တဦးက ပြော ပါတယ်။
ဘုရားသုံးဆူမြို့ကိုတော့ စစ်အစိုးရတပ်တွေ ဒီကနေ့ မနက် ၉ နာရီလောက်က လက်နက်ကြီးများ စတင်ပစ်ခတ်ပြီး မြို့တွင်း ဝင်လာတယ်လို့ ဘုရားသုံးဆူမှာ တိုက်ခိုက်နေတဲ့ DKBA အဖွဲ့ ခေါင်းဆောင် ဗိုလ်အေဝမ်း က ပြောပါတယ်။
လက်နက်ကြီး ပစ်ခတ်မှုတွေဟာ ညနေအပိုင်းမှာ ပိုစိတ်လာပြီး DKBA တပ်ဖွဲ့တွေ နေရာယူထားတဲ့ မြို့ပြင် တောင်ကုန်းဖက်ကို စစ်အစိုးရတပ်တွေ တဖြည်းဖြည်းချင်း တက်လာနေတယ်လို့ သိရပါတယ်။
ဗိုလ်အေဝမ်းနဲ့ RFA မှ ဦးတင်အောင်ခိုင်က ဆက်သွယ် မေးမြန်းထားပါတယ်။
 |
ဗိုလ်အေဝမ်းနှင့် ဆက်သွယ်မေးမြန်းချက်။ |
 |
အသံဖိုင်ယူရန် |
ဒီကေဘီအေနဲ့ စစ်အစိုးရတပ်တွေရဲ့ တိုက်ပွဲရဲ့ နောက်ဆက်တွဲ အခြေအနေတွေနဲ့ ထိုင်းနိုင်ငံဖက်ကို တိမ်းရှောင်ရောက်ရှိ နေတဲ့ စစ်ပြေးဒုက္ခသည်တွေရဲ့ နောက်ဆုံး အခြေအနေတွေကို RFA သတင်းထောက် ကိုမိုးကျော်က ထိုင်းမြန်မာနယ်စပ်ကနေ သတင်းပေးပို့ထားပါတယ်။
|
သတင်းပေးပို့ချက် |
|
အသံဖိုင်ယူရန် |
အလားတူပဲ ထိုင်း-မြန်မာနယ်စပ် ဘုရားသုံးဆူအနီး ဒီကေဘီအေ တပ်မဟာ(၅)နဲ့ စစ်အစိုးရတပ်တွေ ဒီကနေ့ မနက်ပိုင်း ဖြစ်ပွားခဲ့တဲ့တိုက်ပွဲမှာ စစ်အစိုးရဖက်က စစ်လေယာဉ်တွေ အသုံးပြုခဲ့ပြီး အရပ်သားတချို့ သေဆုံး ဒဏ်ရာရတာတွေ ရှိတယ်လို့သိရပါတယ်။
ဒီအကြောင်းကို RFA သတင်းထောက် ကိုမိုးကျော် သတင်း ပေးပို့ထားပါတယ်။
|
တိုက်ပွဲသတင်း |
|
အသံဖိုင်ယူရန် |
ဖတ်ရှုသူအများဆုံး သတင်းများ။
RFA
- ထိုင်းနိုင်ငံမှာ မြန်မာထုတ်ကုန်ပစ္စည်း ၁၆၀၀၀ ကျော် သိမ်းဆည်းခံရ
- မလေးရှားမှာ မြန်မာနိုင်ငံသား ကိုးဆယ်ခန့် ဖမ်းဆီးခံရပြီး တစ်ဦး သေဆုံး
- မြန်မာ့အရေးအမြန်ဖြေရှင်းဖို့ အာဆီယံကို ထိုင်းဝန်ကြီးချုပ်သစ်တောင်းဆို
- တိုက်ပွဲတွေရပ်အောင်လုပ်ဖို့ မြန်မာသံအမတ်ကို ဘင်္ဂလားဒေ့ရှ်သတိပေး
- စက်တင်ဘာလအတွင်း ဖမ်းဆီးခံရတဲ့ မြန်မာအလုပ်သမား လေးရာကျော် ပြန်ပို့ခံရ
ဖတ်ရှုသူအများဆုံး သတင်းများ။
သတင်းများ
