NLD အစိုးရ လျှပ်စစ်နဲ့ စွမ်းအင်ဝန်ကြီးဌာန ဝန်ကြီးသုံးဦး အဂတိနဲ့ အမှုဖွင့်ခံရ
2021.12.09
NLD အစိုးရ လျှပ်စစ်နဲ့ စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ ဒုဝန်ကြီး ဒေါက်တာထွန်းနိုင်နဲ့ ဦးခင်မောင်ဝင်း တို့ကို တွေ့ရစဥ်
Photo: MOEE
NLD အစိုးရလက်ထက်က တာဝန်ယူခဲ့တဲ့ လျှပ်စစ်နဲ့ စွမ်းအင်ဝန်ကြီးဌာနက ပြည်ထောင်စုဝန်ကြီး ဦးဝင်းခိုင် အပါအဝင် ဒုဝန်ကြီးတွေဖြစ်ကြတဲ့ ဒေါက်တာထွန်းနိုင်နဲ့ ဦးခင်မောင်ဝင်းတို့ သုံးဦးကို စစ်ကောင်စီက အဂတိ လိုက်စားမှု တိုက်ဖျက်ရေး ဥပဒေနဲ့ အမှုဖွင့်အရေးယူထားတယ်လို့ ဒီနေ့ ထုတ်ပြန်ပါတယ်။
အထက်ရဲရွာ ရေအားလျှပ်စစ်မီမံကိန်းမှာ နိုင်ငံတော်က ချမှတ်ထားတဲ့ လုပ်ထုံးလုပ်နည်းတွေနဲ့ မလုပ်ခဲ့တာ ကြောင့် နိုင်ငံ့ဘဏ္ဍာ ကျပ် ၃၀ ဘီလီယံ ထိခိုက်နစ်နာတာ၊ ထားဝယ်ဒေသ လျှပ်စစ်ဓာတ်အားထုတ်လုပ်ရေး လုပ်ငန်းတွေမှာ ငွေကျပ် ၆ ဘီလီယံကျော် နစ်နာတာ စတာတွေကြောင့် အရေးယူတာလို့ဆိုပါတယ်။
အဲဒီစွပ်စွဲချက်တွေနဲ့ပဲ ပြည်ထောင်စုဝန်ကြီး ဦးဝင်းခိုင်နဲ့ ဒုဝန်ကြီး ဦးထွန်းနိုင်တို့ကို အဂတိလိုက်စားမှု တိုက်ဖျက်ရေး ဥပဒေပုဒ်မ - ၅၅၊ နောက်ထပ် ဒုဝန်ကြီးတစ်ဦးဖြစ်တဲ့ ဦးခင်မောင်ဝင်းကို အဂတိပုဒ်မ- ၅၅/၆၃ တို့နဲ့ နေပြည်တော် ဘုရားကုန်း မြို့မရဲစခန်းမှာ နိုဝင်ဘာလ ၈ ရက်နေ့ မနေ့က အမှုဖွင့်ထားတယ်လို့ စစ်ကောင်စီပိုင် သတင်းစာတွေမှာ ဖော်ပြထားပါတယ်။
မြန်မာနိုင်ငံမှာ စစ်တပ်က အာဏာသိမ်းပြီးနောက်မှာ နိုင်ငံ့ခေါင်းဆောင်တွေဖြစ်တဲ့ သမ္မတဦးဝင်းမြင့်နဲ့ ဒေါ်အောင်ဆန်းစုကြည် တို့အပြင် တိုင်းနဲ့ပြည်နယ် ဝန်ကြီးချုပ် ကိုးဦး၊ ပြည်ထောင်စုဝန်ကြီးနဲ့ ဒုဝန်ကြီး ရှစ်ဦးအပါအဝင် NLD အစိုးရနဲ့ ပတ်သက်သူ စုစုပေါင်း ၅၅ ဦးကို အဂတိအမှုတွေနဲ့ အရေးယူခံထားရပါတယ်။
ဖတ်ရှုသူအများဆုံး သတင်းများ။
RFA
- NUG၊ PDF အဖွဲ့တွေကို ကူညီတဲ့ EAO တွေကို စစ်ကောင်စီဥက္ကဋ္ဌ ခြိမ်းခြောက်
- စစ်ကောင်စီရဲကင်းစခန်းကို NLA တိုက်ခိုက်၊ လက်နက်ခဲယမ်းတချို့ သိမ်းယူ
- စစ်ကောင်စီအတွက် လေယာဉ်ဆီဝယ်ပေးသူတွေကို အမေရိကန်ပိတ်ဆို့အရေးယူ
- ဝမ်ပေါင်ကုမ္ပဏီဝင်း ဒရုန်းနဲ့ ဗုံးကြဲတိုက်ခိုက်ခံရ
- အာဏာသိမ်း နှစ်နှစ်ကျော်အတွင်း PDF တပ်ဖွဲ့ဝင် ၁၅၀၀ နီးပါး သေဆုံး
ဖတ်ရှုသူအများဆုံး သတင်းများ။
သတင်းများ
