NLD ပါတီဝင် ၅၀ ကျော်တို့ရဲ့ နေအိမ်တွေ ချိတ်ပိတ်ခံထားရ

2021.11.30
Share on WhatsApp
Share on WhatsApp
NLD ပါတီဝင် ၅၀ ကျော်တို့ရဲ့ နေအိမ်တွေ ချိတ်ပိတ်ခံထားရ တန့်ဆည်မြို့က NLD ပါတီ ပြည်သူ့လွှတ်တော်ကိုယ်စားလှယ်တစ်ဦးရဲ့ နေအိမ်ကို စစ်တပ်က ချိတ်ပိတ်ခဲ့စဥ်
Photo: CJ

ပုဒ်မ ၅၀၅ နဲ့ တရားစွဲခံထားရသူတွေရဲ့ နေအိမ် အဆောက်အအုံတွေကို စစ်ကောင်စီရဲ့ ချိတ်ပိတ် ခံထားရသူပေါင်း ၅၅ ယောက်ရှိတယ်လို့ အမျိုးသားဒီမိုကရေစီအဖွဲ့ချုပ် NLD Central Working Committee က ထုတ်ပြန်လိုက်ပါတယ်။

ဖေဖော်ဝါရီ ၁ ရက်ကနေ နိုဝင်ဘာ ၂၅ ရက်အထိ NLD ပါတီဝင်တွေ၊ NLD လွှတ်တော်ကိုယ်စားလှယ်တွေနဲ့ ပါတီဝန်းရံသူတွေရဲ့ ချိတ်ပိတ်ခံထားရတဲ့ နေအိမ် အဆောက်အအုံတွေကို စာရင်းပြုစုထားတဲ့ NLD Central Working Commette က နိုင်ဝင်ဘာ ၂၉ ရက် မနေ့က ထုတ်ပြန်လိုက်တာ ဖြစ်ပါတယ်။

ပုဒ်မ ၅၀၅ နဲ့ စွပ်စွဲခံထားရပြီး တရားရုံးက ပြစ်မှုကျူးလွန်ကြောင်း ဆုံးဖြတ်ချက် မချသေးခင် ပိုင်ဆိုင်မှုနေအိမ် အဆောက်အအုံတွေကို စစ်ကောင်စီက ချိတ်ပိတ် အရေးယူတာတွေလုပ်ပြီး ချိတ်ပိတ်လိုက်တဲ့ အိမ်ထဲ ဝင်ရောက်နေထိုင်ခြင်းမပြုရလို့ အသံချဲ့စက်ကနေအော်ကာ သတိပေးခဲ့တယ်လို့ ဖော်ပြထားပါတယ်။

စစ်ကောင်စီတပ်ဖွဲ့ဝင်တွေဟာ နေအိမ်တွေထဲ ဥပဒေမဲ့ဝင်ပြီး ပစ္စည်းတွေ သိမ်းယူသွားတာ၊ မီးရှို့ဖျက်ဆီးတာတွေလည်း လုပ်ခဲ့တယ်လို့ ဖော်ပြထားပါတယ်။

တချို့ NLD ပါတီဝင်တွေရဲ့ ကုမ္ပဏီလုပ်ငန်းတွေထဲက ဘက်ဟိုးကား၊ အိမ်စီးကား၊ ဆိုင်ကယ်၊ မီးစက်၊ မြက်ရိတ်စက်တွေ အပါအဝင် အိမ်မှာမွေးထားတဲ့ ကြက်၊ ဘဲ တွေကိုပါ ယူသွားကြတယ်လို့ ဖော်ပြထားပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။

COMMENTS

ဆိုက်တခုလုံးသို့