တရုတ်-မြန်မာနယ်စပ်မှာ စစ်ကောင်စီနဲ့ MNDAA တိုက်ပွဲဖြစ်

RFA Burmese
2022.11.29
Share on WhatsApp
Share on WhatsApp
တရုတ်-မြန်မာနယ်စပ်မှာ စစ်ကောင်စီနဲ့ MNDAA တိုက်ပွဲဖြစ် ကိုးကန့်တပ်ဖွဲ့ (MNDAA)တပ်သားများ။
The Kokang

တရုတ်-မြန်မာနယ်စပ် ကိုးကန့်ကိုယ်ပိုင်အုပ်ချုပ်ခွင့်ရဒေသ ချင်းရွှေဟော်မှာ စစ်ကောင်စီနဲ့ ကိုးကန့်တပ်ဖွဲ့ MNDAA တို့ကြား တိုက်ပွဲတွေ ပြင်းထန်နေတယ်လို့ MNDAA က ထုတ်ပြန်ပါတယ်။

နိုဝင်ဘာလ ၂၈ ရက် မနေ့ကစလို့ စစ်ကောင်စီဘက်ကစထိုးစစ်ဆင်လာတာကြောင့် တိုက်ပွဲတွေပြင်းထန်နေပြီး၊ ဒီနေ့မနက်ပိုင်းမှာလည်း လေးနာရီလောက်ကြာ ပစ်ခတ်ခဲ့တယ်လို့ ဆိုပါတယ်။

မနေ့ကတိုက်ပွဲမှာ စစ်ကောင်စီဘက်က နှစ်ယောက်သေဆုံးပြီး ၇ ယောက်ဒဏ်ရာရခဲ့တယ်လို့ MNDAA ကပြောပါတယ်။ စစ်ကောင်စီဘက်ကတော့ အဲဒီဘက်ကအခြေအနေတွေ ပြောဆိုတာ မရှိသေးပါဘူး။

MNDAA က ထုတ်ပြန်တဲ့ တိုက်ပွဲမှတ်တမ်း ဗီဒီယိုမှာ နှစ်ဘက်အပြန်အလှန် တရစပ် အပြင်းအထန် ပစ်ခတ်နေတာ တွေ့ရပါတယ်။

စစ်ကောင်စီဘက်က ပြည်သူ့စစ်တွေအပါအဝင် အင်အား ၃၅၀ လောက် အဲဒီဒေသမှာ ဖြန့်ကျက်ထားတယ်လို့လည်း ဆိုပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။