မြန်မာနဲ့ ဘင်္ဂလားဒေ့ရှ်အတွက် ဩစတြေးလျက ဒေါ်လာ ၁၃၅ သန်းပေးမည်

2022.11.10
မြန်မာနဲ့ ဘင်္ဂလားဒေ့ရှ်အတွက် ဩစတြေးလျက ဒေါ်လာ ၁၃၅ သန်းပေးမည် ကရင်ပြည်နယ်တွင်း တိုက်ပွဲတွေကြား ထွက်ပြေးနေရသည့် ဒေသခံမိသားစုတစ်စု။
Photo: AFP

မြန်မာနဲ့ ဘင်္ဂလားဒေ့ရှ်နိုင်ငံအတွက် လူသားချင်းစာနာမှု အကူအညီငွေ အမေရိကန်ဒေါ်လာ ၁၃၅ သန်းပေးမယ်လို့ ဩစတြေးလျအစိုးရက ဒီနေ့ ထုတ်ပြန်ပါတယ်။

ဘင်္ဂလားဒေ့ရှ်ရောက် ရိုဟင်ဂျာတွေနဲ့ မြန်မာပြည်တွင်းက ဒုက္ခသည်တွေရဲ့ စားဝတ်နေရေး၊ ပညာရေး၊ ကျန်းမာရေးတွေအတွက် အသုံးပြုမယ်လို့ ဩစတြေးလျ နိုင်ငံခြားရေးဝန်ကြီးဌာနက ဆိုပါတယ်။

မြန်မာနိုင်ငံတွင်းမှာ အကူအညီလိုတဲ့သူဦးရေဟာ အရင်က တစ်သန်းပဲရှိပေမယ့် အခုအာဏာသိမ်းပြီးနောက် ၁၄ သန်းခွဲလောက်အထိ တိုးလာတယ်လို့လည်း ထုတ်ပြန်ချက်မှာ ပါပါတယ်။

မြန်မာပြည်အတွက် အကူအညီငွေတွေကို အာဏာသိမ်းစစ်တပ်ဆီကနေ ပေးမှာမဟုတ်ဘဲ ကုလသမဂ္ဂ၊ နိုင်ငံတကာ ကြက်ခြေနီအသင်းနဲ့ အရပ်ဘက်အဖွဲ့တွေဆီကနေ ပေးမယ်လို့ ဆိုပါတယ်။

မြန်မာနိုင်ငံကနေ ဘင်္ဂလားဒေ့ရှ်ရောက် ရိုဟင်ဂျာ ကိုးသိန်းကျော်ဟာလည်း လူသားချင်းစာနာမှု အကူအညီတွေ လိုနေသလို၊ လက်ခံထားတဲ့ အိမ်ရှင်နိုင်ငံကိုလည်း ကျေးဇူးတင်စကားဆိုထားပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။