KNU ဒုတိယဥက္ကဋ္ဌဟောင်း နော်စီဖိုးရာစိန် ကွယ်လွန်
2024.07.24
ကရင်အမျိုးသားအစည်းအရုံး (KNU) ဒုတိယဥက္ကဋ္ဌဟောင်း နော်စီဖိုးရာစိန်အား ၂၀၁၆ ခုနှစ်၊ ဇူလိုင်လ ၂၇ ရက်နေ့က တွေ့ရစဉ်။
Photo: RFA
ကရင်အမျိုးသားအစည်းအရုံး (KNU) ဒုတိယဥက္ကဋ္ဌဟောင်း နော်စီဖိုးရာစိန်ဟာ ဇူလိုင်လ ၂၄ ရက်နေ့ နေ့လယ် ၂ နာရီခန့်က ထိုင်းနိုင်ငံက ဆေးရုံတစ်ခုမှာ ကွယ်လွန်ခဲ့တယ်လို့ ကရင်အမျိုးသားအစည်းအရုံး KNU ရဲ့ ပြောရေးဆိုခွင့်ရှိသူ ပဒို စောတောနီးက RFA ကိုပြောပါတယ်။
"ဒီနေ့ မွန်းလွဲ ၂ နာရီမှာ ဆုံးသွားပါပြီ။ ထိုင်းက ဆေးရုံမှာပဲ။ သူက နာတာရှည်ရော၊ ကင်ဆာရောဂါ ဖြစ်နေတာလည်း ကြာပြီ။ ဆေးကုသမှု ခံယူနေရတယ်။ ၂၀၂၃ ခုနှစ်ကတည်းက ကင်ဆာရောဂါကို ခံစားနေရတာ"
နော်စီဖိုးရာစိန်ဟာ နာတာရှည် ကင်ဆာရောဂါကို ခံစားနေရတာကြောင့် မကြာခဏ ဆေးကုသမှု ခံယူနေရပြီး ဒီရောဂါကြောင့်ပဲ သေဆုံးသွားခဲ့တာလို့ ပဒိုစောတောနီးက ပြောပါတယ်။
နော်စီဖိုးရာစိန်ရဲ့ နာရေးအစီအစဉ်နဲ့ ပတ်သက်ပြီး အသေးစိတ်တော့ မသိရသေးဘူးလို့ သူကပြောပါတယ်။
ကရင်အမျိုးသားအစည်းအရုံး KNU ဒုတိယဥက္ကဋ္ဌနဲ့ ကရင်လူမျိုး နိုင်ငံရေးလှုပ်ရှားသူတစ်ဦးလည်းဖြစ်တဲ့ နော်စီဖိုးရာစိန်ဟာ ၁၉၅၅ ခုနှစ်က ကရင်ပြည်နယ်မှာ မွေးဖွားခဲ့ပြီး ကွယ်လွန်ချိန်မှာ အသက် ၆၉ နှစ်ရှိပြီ ဖြစ်ပါတယ်။
၁၉၈၈ ခုနှစ်ကနေ ၂၀၀၈ ခုနှစ်အထိ ကရင်အမျိုးသမီးဒုက္ခသည်အရေး ဆောင်ရွက်ပေးတဲ့ ကရင်အမျိုးသမီးအစည်းအရုံးမှာလည်း အထွေထွေအတွင်းရေးမှူးအဖြစ် ဆောင်ရွက်ခဲ့ပါတယ်။
ဖတ်ရှုသူအများဆုံး သတင်းများ။
RFA
- စစ်ကိုင်းတိုင်းက ပြည်သူ့အုပ်ချုပ်ရေးအဖွဲ့ ခုနစ်ခုကို NUG အရေးယူ
- မြန်မာ့အရေးနဲ့ တရုတ်အပေါ် အပြစ်တင်ပြောဆိုတာတွေကို ဆန့်ကျင်ကြောင်း တရုတ်သံရုံးထုတ်ပြန်
- IIMM ရဲ့ မြန်မာ့အရေး အစီရင်ခံစာကို ကန့်ကွက်ကြောင်း စစ်ကောင်စီ တုံ့ပြန်
- ဆေးတပ်သား ၁၈ ဦးသေဆုံးမှု စုံစမ်းစစ်ဆေးသွားမယ်လို့ KNDF ထုတ်ပြန်
- ထိုင်း-မြန်မာနယ်စပ် တာချီလိတ်မြို့မှာ ရေကြီးရေလျှံမှု ထပ်ဖြစ်
ဖတ်ရှုသူအများဆုံး သတင်းများ။
သတင်းများ
- မြန်မာအမျိုးသားလေကြောင်းလိုင်းကို ပိတ်ဆို့အရေးယူဖို့ JFM တောင်းဆို
- ကလောမြို့ ရေကြီးနစ်မြုပ်မှု သေဆုံးသူတစ်ရာခန့် ရှိလာ
- စမုံဆည်ကျိုးလို့ ဝမ်းတွင်းမြို့နယ်က ရွာပေါင်း နှစ်ဆယ်ကျော် ရေနစ်မြုပ်
- မြဝတီမြို့မှာ ရေကြီးရေလျှံမှု အဆိုးရွားဆုံးကြုံနေရ
- အဓမ္မတပ်သားစုဆောင်းခံရတဲ့ လူငယ်တွေ လမ်းမှာထွက်ပြေးလွတ်မြောက်