ဒေါ်အောင်ဆန်းစုကြည်ကို ဖိလစ်ပိုင် အထက်လွှတ်တော်အမတ် တွေ့ဆုံ

“ဖိလစ်ပိုင် အထက်လွှတ်တော်၊ နိုင်ငံခြားဆက်ဆံရေး ကော်မတီ ဥက္ကဋ္ဌ၊ အမျိုးသမီးဗျ၊၊ မစ္စ လောရင်။ သူ ဒီနေ့ လာပြီးတော့ ဒေါ်အောင်ဆန်းစုကြည်နဲ့ တွေ့ဆုံပါတယ်”

ဖိလစ်ပိုင် အထက်လွှတ်တော်အမတ် Ms. Legarda နဲ့ ဒေါ်အောင်ဆန်းစုကြည်တို့ ဆွေးနွေးတဲ့ အကြောင်းအရာ အသေးစိတ်ကို နှစ်ဖက်စလုံးက ထုတ်ပြန်တာ မရှိပေမယ့် မြန်မာနိုင်ငံ ဒီမိုကရေစီ အရေးနဲ့ ပတ်သက်လို့ အမြင်ချင်း ဖလှယ်ကြဖို့ ရှိတယ်ဆိုပြီး မြန်မာနိုင်ငံကို မထွက်ခွာခင် အဲဒီ ဖိလစ်ပိုင် လွှတ်တော်အမတ်က မနီလာမြို့မှာ ပြောကြားခဲ့ပါတယ်။

ဒါ့ပြင် ဒေါ်အောင်ဆန်းစုကြည်ဟာ လူ့အခွင့်အရေး ကာကွယ်ရေးနဲ့ ဒီမိုကရေစီရေး ကြိုးပမ်းရာမှာ အမျိုးသမီး ခေါင်းဆောင်တွေရဲ့ အရေးပါမှုကို ဖော်ပြနေတယ်လို့လည်း သူမက ပြောဆိုခဲ့ပါတယ်။

ဖိလစ်ပိုင် အထက်လွှတ်တော် အမတ် Ms. Legarda အနေနဲ့ ဒေါ်အောင်ဆန်းစုကြည်နဲ့ တွေ့ဆုံနိုင်အောင် သူမရဲ့ မိတ်ဆွေရင်းဖြစ်သူ အရှေ့တီမောနိုင်ငံ သမ္မတ Jose Ramos Horta က စီစဉ်ပေးခဲ့တယ်လို့ သိရပါတယ်။