မင်းကင်းမြို့နယ်မှာ ဒေသခံတစ်ဦး ဖမ်းဆီးခံရ

2021-09-21
Share
မင်းကင်းမြို့နယ်မှာ ဒေသခံတစ်ဦး ဖမ်းဆီးခံရ မင်းကင်းမြို့နယ်က ရွာတွေထဲ စစ်ကောင်စီတပ်စွဲထားလို့ ထွက်ပြေးနေကြရတဲ့ ဒေသခံတွေကို တွေ့ရစဉ်
Photo: CJ
စစ်ကိုင်းတိုင်း မင်းကင်းမြို့နယ် တောင်စာရေးကျေးရွာက အသက် ၄၀ ခန့်အရွယ် ဦးနိုင်နိုင်ဝင်း ကို စစ်ကောင်စီတပ်ဖွဲ့ဝင်တွေက စက်တင်ဘာ ၂၁ ရက် ဒီနေ့မနက် ၁၁ နာရီလောက်မှာ ဖမ်းဆီးသွားတယ်လို့ ဒေသခံတွေက ပြောပါတယ်။
 
ကလေးဝ-မုံရွာ အာရှလမ်းမကြီးပေါ်မှာ ဆိုင်ကယ်နဲ့ သွားနေရာကနေ ဖမ်းဆီးခံရတာဖြစ်ပြီးတော့ ကလေးမြို့ နယ် ရဲစခန်းကို ခေါ်သွားတယ်လို့ လုံခြုံရေးအရ အမည်မဖော်လိုတဲ့ ဒေသခံတစ်ဦးက ပြောပါတယ်။
 
"ကားလမ်းပေါ်မှာ ဖမ်းခံရတာ။ ဆိုင်ကယ်တွေလည်း ယူသွားတယ်။ စစ်သားအယောက် ၉၀ လောက် ခြေကျင်လာတာ။ မြေနီရွာက နေအိမ်တွေလည်း ဝင်ရှာသွားတယ်"
 
သူ ဘာကြောင့် ဖမ်းဆီးခံရတယ်ဆိုတာကိုတော့ ရှင်းရှင်းလင်းလင်း မသိရသေးပါဘူး။
 
မင်းကင်းမြို့မှာတော့ ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း ဖမ်းဆီးခံရသူ အနည်းဆုံး လူဦးရေ ၁၀၀ ခန့်ရှိပြီလို့ ဒေသခံတွေက ပြောပါတယ်။
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။

ဆိုက်တခုလုံးသို့