တာချီလိတ်မှာ မိုးသည်းထန်စွာရွာပြီး မယ်ဆိုင်ချောင်း ရေလျှံလို့ ရပ်ကွက်အချို့ရေနစ်မြုပ်
ရေကြီးမှုကြောင့် အခက်အခဲဖြစ်နေသူများကို လူမှုကူညီရေးအသင်းတွေက ထမင်းဗူးများ ဝေငှပေးနေသည်ကို ၂၀၂၂ ခုနှစ် စက်တင်ဘာ ၁၃ ရက်နေ့က တွေ့ရစဉ်
Photo: ဦးလှမိုးလူမှုကူညီရေး (တာချီလိတ်)
ရှမ်းပြည်နယ်အရှေ့ပိုင်း ထိုင်း-မြန်မာနယ်စပ် တာချီလိတ်မြို့မှာ စက်တင်ဘာလ ၁၂ ရက်မနေ့က မိုးသည်းထန်စွာ ရွာသွန်းတာကြောင့် မယ်ဆိုင်ချောင်းရေလျှံပြီး အနီးအနား ရပ်ကွက် ငါးခုလောက်က နေအိမ်တွေ ဒီနေ့ နေ့လယ်ပိုင်းအထိ ရေနစ်မြုပ်နေတယ်လို့ တာချီလိတ် မြို့ခံတွေက ပြောပါတယ်။
မယ်ဆိုင်ချောင်း အနီးနားမှာရှိတဲ့ ပုန်းထွန်၊ တာလော၊ ဝမ်ကောင်း၊ မကာအိုခမ်း၊ မယ်ခေါင် စတဲ့ ရပ်ကွက်တွေက နေအိမ်တွေ ရေနစ်မြုပ်နေတာလို့ တာချီလိတ်မြို့ခံတစ်ဦးက RFA ကို ပြောပါတယ်။
“အဆိုးဆုံးက မယ်ခေါင်ရပ်ကွက်ပေါ့နော်။ အနိမ့်ပိုင်းရောက်နေတော့ တက်သမျှ ရေတွေက အဲမှာသွားပြီး စုနေတဲ့ သဘောဖြစ်နေတာ။ အခု မိုးကတိတ်သွားပြီ ရေတော့ ဆက်မတက်လာတော့ဘူး။ မိုးဆက်မရွာဖို့ပဲ ဆုတောင်းနေရတယ်”
ရေဝင်တဲ့ အချို့အိမ်တွေက နီးစပ်ရာမိသားစုအိမ်တွေကို ရွှေ့ပြောင်းနေကြပေမယ့် တချို့ကတော့ နေအိမ် အပေါ်ထပ်မှာပဲ စုနေကြတဲ့အတွက် ထမင်းထုပ်ဝေးနိုင်ရေး ဆောင်ရွက်ပေးနေတယ်လို့ တာချီလိတ်မြို့ ဦးလှမိုး လူမှုကူညီရေးအသင်း တာဝန်ရှိသူ တစ်ဦးက RFA ကို ပြောပါတယ်။
“အခုတစ်ခေါက်က အရင်လောက်မဆိုးတော့ အများစုက အိမ်အပေါ်ထပ်မှာ နေကြ တာပေါ့။ ကျနော်တို့က အဲဒီအိမ်တွေကို ထမင်းထုပ်ဝေဖို့ လုပ်နေပါတယ်။ နောက်ပြီး အကူအညီ တောင်းလာတဲ့ အိမ်တွေကိုလည်းဆက်ပြီး ကူညီပေးနိုင်ဖို့ ချက်ပြုတ် နေကြတာလည်း ရှိတယ်”
ချောင်းရေလျှံလို့ ရေနစ်မြုပ်တဲ့ နေအိမ် နှစ်ရာကျော်လောက်အထိ ရှိနိုင်ပြီး ဒီကနေ့ နေ့လယ်ပိုင်းမှာတော့ ရေအနည်းငယ် ပြန်ကျလာတယ်လို့ ဆိုပါတယ်။
တာချီလိတ်မြို့မှာ အခုလို ရေလျှံတာဟာ တစ်လအတွင်း ဒုတိယအကြိမ်ဖြစ်ပြီး ပြီးခဲ့တဲ့ သြဂုတ်လ ၈ ရက်နေ့ ကနေ ၁၃ ရက်နေ့ အထိ တစ်ပတ်ကျော် ရေကြီးရေလျှံမှုတွေဖြစ်ခဲ့ပြီး အမျိုးသားတစ်ဦး သေဆုံးခဲ့တယ်လို့ ရေဘေးကူညီရေး လုပ်ဆောင်နေသူတွေနဲ့ တာချီလိတ်မြို့ခံ အချို့ကပြောပါတယ်။
ဖတ်ရှုသူအများဆုံး သတင်းများ။
RFA
- မလေးရှားမှာ မြန်မာနိုင်ငံသား ကိုးဆယ်ခန့် ဖမ်းဆီးခံရပြီး တစ်ဦး သေဆုံး
- စစ်သည်အင်အား နှစ်သောင်းကျော် နဲ့ PNA စစ်သင်တန်းဆင်း
- သန်းခေါင်စာရင်းနဲ့ဆက်စပ်ပြီး ရန်ကုန်က ရပ်ကွက်အုပ်ချုပ်ရေးရုံးနှစ်ခု ဗုံးခွဲတိုက်ခိုက်ခံရ
- ထိုင်း အလုပ်သမား ဥပဒေသစ်ကြောင့် မြန်မာလူငယ်တွေ အခက်တွေ့နိုင်
- ဆေးတပ်သား ၁၈ ဦးသေဆုံးမှု တာဝန်ရှိသူတွေရဲ့ ပေါ့ဆမှုကြောင့်ဖြစ်ကြောင်း KNDF ပြော
ဖတ်ရှုသူအများဆုံး သတင်းများ။
သတင်းများ
- သန်းခေါင်စာရင်းကောက်တဲ့အဖွဲ့ကို လုံခြုံရေးယူပေးတဲ့ စစ်ကောင်စီစခန်းငါးခု တိုက်ခိုက်ခံရ
- မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ကွယ်လွန်
- အင်ဒိုနီးရှားက မြန်မာ့အရေးဆွေးနွေးပွဲ NUG တက်ရောက်
- မတ္တရာက PDF စခန်းတွေ စီးနင်းသိမ်းပိုက်ခံရ
- နိုင်ငံလေးခုက အထောက်အထားမဲ့ အလုပ်သမားတွေနဲ့ ကလေးတွေကို တရားဝင်နေခွင့်ပြုဖို့ ထိုင်းအစိုးရဆုံးဖြတ်