အွန်လိုင်းငွေလိမ်ဂိုဏ်းကို အင်တာနက်သွယ်ပေးနေသူတစ်ဦးကို ထိုင်းရဲတပ်ဖွဲ့ဖမ်းဆီး
2024.09.02
ထိုင်းနယ်စပ်တစ်နေရာတွင် စောင့်ကြပ်နေသည့် ထိုင်းနယ်ခြားစောင့်တပ်ဖွဲ့ဝင်တစ်ဦးအား ၂ဝ၂ဝ ပြည့်နှစ် အောက်တိုဘာလအတွင်းက တွေ့ရစဉ်။
Photo: AFP
ထိုင်းနိုင်ငံ၊ မဲဆောက်ကနေတစ်ဆင့် သောင်ရင်းမြစ်ကိုဖြတ်ပြီး မြန်မာနိုင်ငံ ရွှေကုက္ကိုမြို့သစ်က အွန်လိုင်းငွေလိမ်ဂိုဏ်းတွေဆီကို အင်တာနက်လိုင်း တရားမဝင် သွယ်တန်းပေးဖို့ ပြင်ဆင်နေတဲ့ ထိုင်းအမျိုးသားတစ်ဦးကို ရဲတပ်ဖွဲ့က ဖမ်းဆီးလိုက်တယ်လို့ The Nation သတင်းမှာ စက်တင်ဘာလ ၂ ရက်နေ့က ဖော်ပြပါတယ်။
မဲဆောက်ခရိုင်၊ ကီးမိုင်းကျေးရွာအနီးကို နယ်ခြားစောင့်ရဲနဲ့ ထိုင်းစစ်တပ်တပ်ဖွဲ့ဝင်တွေ ပူးပေါင်းကင်းလှည့်ချိန် အသက် ၃ဝ အရွယ် အဲဒီအမျိုးသားကို တွေ့ရှိပြီး ဖမ်းဆီးခဲ့တာလို့ ဆိုပါတယ်။
မြစ်ကိုဖြတ်ပြီး အင်တာနက် ဖိုင်ဘာကြိုးတွေကို သယ်ဖို့ အသုံးပြုတဲ့ ရေဒုံးကျည်တစ်ခု၊ ဝါယာကြိုးတွေနဲ့ အင်တာနက်လွှင့်တင်ရာမှာ သုံးတဲ့ အခြားကိရိယာတွေကိုလည်း ဖမ်းဆီးချိန်မှာ တွေ့ခဲ့ရတယ်လို့ ဆိုပါတယ်။
လက်ရှိမှာတော့ အဲဒီထိုင်းအမျိုးသားကို မဲဆောက်မြို့ရဲစခန်းမှာ စစ်ဆေးမေးမြန်းနေတယ်လို့ ဘန်ကောက်ပို့စ်သတင်းက ဖော်ပြပါတယ်။
အွန်လိုင်းငွေလိမ်ဂိုဏ်းတွေရှိရာ ထိုင်း-မြန်မာနယ်စပ် မဲဆောက်မြို့အနီးက ရွှေကုက္ကိုလ်မြို့သစ်ကို ပေးထားတဲ့ အင်တာနက်လိုင်းနဲ့ ဖုန်းလိုင်းတွေကို ပြီးခဲ့တဲ့ မေလကစပြီး ထိုင်းနိုင်ငံက ဖြတ်တောက်ခဲ့တာဖြစ်ပါတယ်။
ဖတ်ရှုသူအများဆုံး သတင်းများ။
RFA
- မလေးရှားမှာ မြန်မာနိုင်ငံသား ကိုးဆယ်ခန့် ဖမ်းဆီးခံရပြီး တစ်ဦး သေဆုံး
- စစ်သည်အင်အား နှစ်သောင်းကျော် နဲ့ PNA စစ်သင်တန်းဆင်း
- နိုင်ငံလေးခုက အထောက်အထားမဲ့ အလုပ်သမားတွေနဲ့ ကလေးတွေကို တရားဝင်နေခွင့်ပြုဖို့ ထိုင်းအစိုးရဆုံးဖြတ်
- အမေရိကန်မှာ နေထိုင်ခွင့် ဒီဗွီကံစမ်းမဲ မြန်မာနိုင်ငံသားတွေ လျှောက်ထားနိုင်
- မတ္တရာက PDF စခန်းတွေ စီးနင်းသိမ်းပိုက်ခံရ
ဖတ်ရှုသူအများဆုံး သတင်းများ။
သတင်းများ
- သန်းခေါင်စာရင်းနဲ့ဆက်စပ်ပြီး ရန်ကုန်က ရပ်ကွက်အုပ်ချုပ်ရေးရုံးနှစ်ခု ဗုံးခွဲတိုက်ခိုက်ခံရ
- ဆေးတပ်သား ၁၈ ဦးသေဆုံးမှု တာဝန်ရှိသူတွေရဲ့ ပေါ့ဆမှုကြောင့်ဖြစ်ကြောင်း KNDF ပြော
- သန်းခေါင်စာရင်းကောက်တဲ့အဖွဲ့ကို လုံခြုံရေးယူပေးတဲ့ စစ်ကောင်စီစခန်းငါးခု တိုက်ခိုက်ခံရ
- မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ကွယ်လွန်
- အင်ဒိုနီးရှားက မြန်မာ့အရေးဆွေးနွေးပွဲ NUG တက်ရောက်