အင်ဒိုနီးရှားနှင့် မြန်မာသမ္မတတို့ မြန်မာ့ဒီမိုကရေစီရေးဆွေးနွေး
2011.05.06
အင်ဒိုနီးရှားနိုင်ငံ၊ ဂျာကာတာ မြို့တော်ရှိ သမ္မတ အိမ်တော်တွင် မေလ ၅ ရက်နေ့က မြန်မာသမ္မတ ဦးသိန်းစိန် (ဝဲစွန်) နှင့် အင်ဒိုနီးရှား သမ္မတ စူစီလို ဘန်ဘမ် ယုဒ်ဟိုယိုနို (ယာစွန်) တို့ နှစ်နိုင်ငံ ဆက်ဆံရေး ကိစ္စများ ဆွေးနွေးနေပုံ ဖြစ်ပါသည်။ (AFP PHOTO / ABROR RIZKI / PRESIDENSBY.INFO)
မြန်မာနဲ့ အင်ဒိုနီးရှားအကြား ၂၀၁၅ ခုနှစ်မှာ ကုန်သွယ်မှုပမာဏ အမေရိကန်ဒေါ်လာ သန်း ၅၀၀ ဖိုးအထိ ရောက်ရှိဖို့ နှစ်ဖက် သဘောတူခဲ့တယ်လို့လည်း သိရပါတယ်။
မြန်မာနဲ့ အင်ဒိုနီးရှားအကြား စီးပွားရေး လူမှုရေးနဲ့ ယဉ်ကျေးမှု ကိစ္စရပ်တွေအပြင် မြန်မာနိုင်ငံက ဒီမိုကရေစီ အသွင်ကူးပြောင်းရေး လုပ်ငန်းတွေနဲ့ပတ်သက်လို့လည်း ဆွေးနွေးခဲ့တယ်လို့ ၂ ဖက် တွေ့ဆုံဆွေးနွေးပွဲအပြီး သတင်းထောက်တွေနဲ့ တွေ့ဆုံရာမှာ အင်ဒိုနီးရှားနိုင်ငံခြားရေးဝန်ကြီး မာတီ နာတလီ ဂါဝါးက ပြောပါတယ်။
ဦးသိန်းစိန်ဟာ ၁၈ ကြိမ်မြောက် အာဆီယံညီလာခ ံတက်ဖို့အတွက် မနေ့က အင်ဒိုနီးရှားနိုင်ငံကို ရောက်ရှိလာတာ ဖြစ်ပါတယ်။
တချိန်တည်းမှာလည်း အာဆီယံ လက်ရှိ အလှည့်ကျ ဥက္ကဋ္ဌနိုင်ငံဖြစ်တဲ့ အင်ဒိုနီးရှားက နိုင်ငံခြားရေး ဝန်ကြီးဟာ မကြာခင် ရက်သတ္တပတ် အနည်းငယ်မှာ မြန်မာနိုင်ငံကို သွားရောက်ဖို့ ရှိကြောင်း ဒီကနေ့ ထိုင်းနိုင်ငံမှာ ထုတ်တဲ့ Bangkok Post သတင်းစာက ရေးသားထားပါတယ်။
ဒီခရီးစဉ်ဟာ မြန်မာအစိုးရသစ်က အာဆီယံအလှည့်ကျ ဥက္ကဋ္ဌရာထူး လျှောက်ထားချက်အပေါ် လေ့လာဖို့ ဖြစ်နိုင်တယ်လို့ ဆိုပါတယ်။ ဒီခရီးစဉ်မှာ မစ္စတာနာတလီဂါဝါးဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဖို့ မျှော်လင့်ထားတယ်လို့လည်း သတင်းမှာ ရေးသားထားပါတယ်။ဖတ်ရှုသူအများဆုံး သတင်းများ။
RFA
- နိုင်ငံလေးခုက အထောက်အထားမဲ့ အလုပ်သမားတွေနဲ့ ကလေးတွေကို တရားဝင်နေခွင့်ပြုဖို့ ထိုင်းအစိုးရဆုံးဖြတ်
- အမေရိကန်မှာ နေထိုင်ခွင့် ဒီဗွီကံစမ်းမဲ မြန်မာနိုင်ငံသားတွေ လျှောက်ထားနိုင်
- စစ်သည်အင်အား နှစ်သောင်းကျော် နဲ့ PNA စစ်သင်တန်းဆင်း
- မတ္တရာက PDF စခန်းတွေ စီးနင်းသိမ်းပိုက်ခံရ
- သန်းခေါင်စာရင်းနဲ့ဆက်စပ်ပြီး ရန်ကုန်က ရပ်ကွက်အုပ်ချုပ်ရေးရုံးနှစ်ခု ဗုံးခွဲတိုက်ခိုက်ခံရ
ဖတ်ရှုသူအများဆုံး သတင်းများ။
သတင်းများ
- အုပ်ချုပ်ရေးမှူးတချို့ကို သတ်ဖြတ်တယ်ဆိုတဲ့ စွပ်စွဲချက်နဲ့ ရန်ကုန်မှာ ၁၂ ဦး ဖမ်းဆီးခံရ
- ဆေးတပ်သား ၁၈ ဦးသေဆုံးမှု တာဝန်ရှိသူတွေရဲ့ ပေါ့ဆမှုကြောင့်ဖြစ်ကြောင်း KNDF ပြော
- မန္တလေးက အလယ်ပိုင်းတိုင်း စစ်ဌာနချုပ် ရှော့တိုက်ဒုံးနဲ့ ပစ်ခတ်ခံရ
- သန်းခေါင်စာရင်းကောက်တဲ့အဖွဲ့ကို လုံခြုံရေးယူပေးတဲ့ စစ်ကောင်စီစခန်းငါးခု တိုက်ခိုက်ခံရ
- ဇေကမ္ဘာ ဦးခင်ရွှေ အင်းစိန်ထောင်က ပြန်လွတ်လာ