စစ်ခေါင်းဆောင်တွေကို ဖိအားပိုပေးဖို့ ကုလအကြီးအကဲဟောင်း တိုက်တွန်း

RFA Burmese
2023.05.31
စစ်ခေါင်းဆောင်တွေကို ဖိအားပိုပေးဖို့ ကုလအကြီးအကဲဟောင်း တိုက်တွန်း ကုလသမဂ္ဂ အတွင်းရေးမှူးချုပ်ဟောင်း မစ္စတာဘန်ကီမွန်းနှင့် စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်တို့ ၂၀၂၃ ခုနှစ် ဧပြီလ ၂၄ ရက်နေ့က နေပြည်တော်တွင် တွေ့ဆုံခဲ့စဉ်။
Myanmar Military

အာဏာသိမ်းစစ်တပ်ရဲ့ အကြမ်းဖက်မှုတွေ အဆုံးသတ်နိုင်အောင် မြန်မာစစ်ခေါင်းဆောင်တွေကို သံတမန်ရေးအရ ပိုမိုဖိအားပေးဖို့ ကုလသမဂ္ဂ အတွင်းရေးမှူးချုပ်ဟောင်း ဘန်ကီမွန်းက မေ ၃၁ ရက်နေ့က တိုက်တွန်းလိုက်ပါတယ်။

မစ္စတာ ဘန်ကီမွန်းဟာ မြန်မာနိုင်ငံကို ပြီးခဲ့တဲ့လက ရုတ်တရက်သွားရောက်ခဲ့ပြီး သူဟာ စစ်တပ်အာဏာပိုင်တွေအပြင် လက်နက်ကိုင်တော်လှန်နေတဲ့ အဖွဲ့ဝင်တွေနဲ့ပါ အဆက်အသွယ်ရှိတယ်လို့ ပြောတဲ့အကြောင်း AP သတင်းက ဖော်ပြပါတယ်။

ဒါပေမဲ့ ဆက်သွယ်တဲ့လူတွေနဲ့ ပတ်သက်တဲ့ သဘောသဘာဝကို မပြောဘဲ စစ်ခေါင်းဆောင်တွေနဲ့ ဆွေးနွေးတဲ့ အသေးစိတ်တွေကိုလည်း ထုတ်ဖော်ပြောကြားဖို့ ငြင်းဆန်ပါတယ်။

သူဟာ စစ်ခေါင်းဆောင်တွေ၊ အာဆီယံ- အရှေ့တောင်အာရှနိုင်ငံများအသင်း လက်ရှိဥက္ကဋ္ဌ အင်ဒိုနီးရှား သမ္မတနဲ့ အမျိုးသားညီညွတ်ရေး အစိုးရ NUG တို့ကို ဆက်လက် ဆက်သွယ်နေဆဲဖြစ်တယ်လို့လည်း မစ္စတာ ဘန်ကီမွန်းက ပြောပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။